Այդ «օբշյակ» կոչվածը կա. իսկ ո՞վ է իրենց խանգարում, ոչ ոք

«Ճաղերից այն կողմ արատավոր բարքերը ինչպես, որ եղել են նախկինում այդպես էլ շարունակվում մինչ օրս»

ԱԱԾ պետի նախկին տեղակալ Գուրգեն Եղիազարյանը, Newsmedia-ի հարցին ի պատասխան, թե  առհասարակ  ինչպե՞ս է վերաբերում   ՀՀ-ում  քրեական հեղինակությունների ազատ տեղաշարժին, եւ թե ինչպես կմեկնաբանի  այն հրապարակումները,  համաձայն որի. օրերս  օրենքով գող Պզոյի դստեր հարսանիքին ներկաներին հսկել  էին  նաեւ  հատուկ ջոկատայինները, նշեց.

- Եթե անկեղծ՝ այդ տեղեկատվությանը չեմ տիրապետում, իսկ ես եթե մի բանից տեղյակ չեմ,  ոչինչ ասել չեմ կարող: Բայց քրեականների մասով մի բան կարող եմ հստակ ասել, այո,  քրեական ռեզերվը այսօր էլ շարունակում է իր վերադասավորումները: Գողականները անարգել իրենց համար ման են գալիս մեր երկում, ավել՛ բան ասել չեմ ուզում:

-Ի դեպ պարոն Եղիազարյան,  Ձեր կարծիքով օբշյակ կոչվածը կա՞ թավշյա հեղափոխությունից հետո էլ , թե՞ ...

-Իհարկե կա, իսկ ով է իրենց խանգարում, ոչ ոք: Ամեն ինչ արդեն ասացի սուտ է, ընդամենը ամպագոռգոռ հայտարարություններ: Հետո ինչ թավշյա հեղափոխություն, մեկ տարի առաջ եղել է սորոսյան հեղաշրջումմ, ինչ կար հնում այսօր ավելի վատ ձեւով շարունակվում է, ոչ մի նոր բան չկա:

-Նախկինում ասում էին, որ կալանավայրերում այսպես ասած  «նայողները» կոյկաների համար գումարներ են հավաքում, որոնք ուղղվում են օբշյակի ծախսերին, ուզում եք ասել, այդ ավանդույթներն էլ ե՞ն շարունակվում:

-Այդ հարցը լավ կլիներ տայիք ՔԿՀ-ից դուրս եկած ցանկացած դատապարտյալի կամ կալանավորի` խոստանալով, որ անունը չեք հրապարակի: Այ,  այդ ժամանակ կտեսենք, որ իրենք ձեզ կպատմեն, թե ինչ է կատարվում ճաղերից այն կողմ, թե ինչպես են նախկին արատավոր բարքերը շարունակվում մինչ օրս: