Բանակն է պարտվել, ի՞նչ դավաճանություն. «Իմ քայլը» պատգամավոր Վահե Ղալումյան

Այն, որ քայլոները փորձում են արդարացնել սեփական խայտառակ պարտությունը, նոր բան չէ: Սակայն արդարացման այն ձեւը, որը մեզ հետ զրույցում ի ցույց դրեց «Իմ քայլը» խմբակցության պատգամավոր Վահե Ղալումյանը, թերեւս, իր հերթին կարելի է խայտառակ համարել: Դատեք ինքներդ:

- Պատերազմը ո՛չ վաճառված էր, ո՛չ դավաճանված, համաձայն չեմ այդ եզրակացությունների հետ: Դավաճանություն մեղադրանքը բացարձակ անհիմն եմ համարում: Բանակն է պարտվել, ի՞նչ դավաճանություն:
- Այսինքն, միայն բանա՞կն է մեղավոր:
- Իհարկե: Իսկ եթե ավելի գլոբալ ասենք, մենք ընդհանուր պարտվել ենք այս պատերազմում:
- Իսկ ղեկավարությունը չէ՞ր կարող ժամանակին կանգնեցնել պատերազմը, երբ ակնհայտ էր, որ ուժերն անհավասար են:
- Պարտվել է մեր պետությունը, ոչ թե ղեկավարությունը առանձին: Պարտվել է ե՛ւ իշխանությունը, ե՛ւ ընդդիմությունը (դուք որոշումներ կայացնեք, ընդդիմությո՞ւնը պարտվի- հեղ):
- Իսկ պարտված իշխանությունը չպե՞տք է հեռանա:
- Իհարկեª ոչ:
- Ինչո՞ւ:
- Ես տենց եմ մտածում:
- Առհասարակ, կապիտուլյացիա ստորագրած ղեկավարությունը հեռանում է:
- Բայց ո՞վ ասաց, որ մենակ իշխանությունն է պարտվել: Ես ասացի` պարտվել է ե՛ւ բանակը, ե՛ւ ժողովուրդը: Հիմա ի՞նչ եք առաջարկում:
- Ժողովուրդն ինչո՞վ է պարտվել:
- Ամեն ինչով, մենք միասին ենք պարտվել: Ինչու ժողովուրդը պատերազմին չի՞ մասնակցել:
- Բայց ժողովրդին վստահեցնում էին, որ հաղթում ենք, ընդհուպ  վերջին օրը: Այն դեպքում, երբ իրավիճակը գնալով ավելի էր փակուղի մտնում:
- Բա, իհարկե, պետք է վստահեցնեին, չէին կարող ժողովրդին ասել` մենք ստեղ խնդիր ունենք, պարտվում ենք: Նորմալ ա դա:
- Այսինքն, դիտավորյալ ստո՞ւմ էիք ժողովրդին:
- Ոչ, դա պատերազմի հետ կապվող առանձնահատուկ վերաբերմունք էր:
- Ստե՞լն էր վերաբերմունք:
- Ոչ: Գիտեք, ես Ձեզանից շատ եմ ցավում:
- Իսկ ո՞վ էր մեղավոր այդ ցավի համար:
- Իհարկե, կան սխալներ, մենք չենք խուսափում: Բայց ամբողջությամբ սխալները բարդել երկու տարվա իշխանության վրա, համաձայն չեմ:
- Բայց այս իշխանությունը, չէ՞ գնաց կապիտուլյացիայի:
- Ես արդեն ասացի, պատասխանեցի Ձեր հարցին:

Ուշագրավ մանրամասները

՝Iravunk.com-ում: