«էս ինչո՞ւ եք 12 հոգով եկել, հարսանի՞ք» է, ասել էր Շուշանիկ Բախշյանը Նյութի աղբյուրը`

Այսօր լրագրողների հետ հանդիպման ժամանակ  մահացած ծննդկանի հայր Վաղինակ Մարգարյանը նշել է, որ  բուժող բժիշկ Շուշանիկ Բախշյանը շատ  կոպիտ անձ էր: 
Հայրը պատմում էր. 
«Աղջկաս ասում էր՝ էս ինչ ես սարքել, մի հատ հավաքի քեզ: Կնոջը անպատվել էր՝ դուք ձեր հիստերիկայիով: Բարձր ջերմությամբ աղջկան վերջապես ընդունել են հիվանդանոց և պառկեցրել, հավաքվել էին սկեսուրն ու սկեսրայրը, բժշկուհին ասասաց՝ «էս ինչո՞ւ եք 12 հոգով եկել, հարսանի՞ք» է»:
Վաղինակ Մարգարյանը նշեց, որ մյուս բժիշկների կողմից շատ ձևական մոտեցում է ցուցաբերվել իր աղջկա նկատմամաբ:  Բժշկուհին ոչ միայն կոպիտ է եղել, այլ նաև անպատասխանատու, քանի որ շաբաթ-կիրակի օրերին, երբ աղջկա վիճակն արդեն շատ ծանր էր, Շուշանիկ Բախշյանը քաղաքից դուրս է գտնվել և կ՛ամ չի պատասխանել իրենց զանգերին, կա՛մ էլ հեռախոսով հրահանգներ է տվել: 

Հիշեցնենք, որ Մերի Մարգարյանի հարազատները կատարվածի մեջ մեղադրում են «Շենգավիթ» բժշկական կենտրոնի բժշկուհի Շուշանիկ Բախշյանին, ում մոտ էլ հաշվառված է եղել և 35 շաբաթ հետազոտվել է 26-ամյա կինը: Մերի Մարգարյանի եղբոր պատմելով՝ քույրը 4 օր շարունակ բարձր ջերմություն է ունեցել, սակայն բժշկուհին հրաժարվել է հոսպիտալացնել: Միայն հուլիսի 26-ին են նրան հիվանդանոց ընդունել, սակայն հաջորդ օրն արդեն իսկ խորհուրդ են տվել տեղափոխել այլ հիվանդանոց: Հարազատները տեղափոխել են «Էրեբունի» ԲԿ, որտեղ նրան անմիջապես կեսարյան հատում են արել: Մերիի վիճակը ծայրահեղ ծանր է եղել, 2 օր անց նա մահացել է: Հուլիսի 30-ին կեսօրին մահացել է նաև ծննդկանի նորածին դուստրը:

Հարազատների խոսքով՝ Մերի Մարգարյանի մոտ «Էրեբունի» ԲԿ-ում հայտնաբերվել է երկկողմանի թոքաբորբ:

Ն. Ադամյան