Հրապարակվել է 2014թ-ի առաջին 1000 խոշոր հարկատուների ցուցակը

ՀՀ հարկային ծառայությունը հրապարակվել է 2014թ-ի հունվար-դեկտեմբերին առաջին 1000 խոշոր հարկատուների ցանկը:

Ամենաշատ հարկ անցած տարի պետբյուջե վճարել է «Գազպրոմ Արմենիա» ընկերությունը՝ 42 մլրդ 812 մլն 641 հազ. Դրամ։ Թոփ տասնյակի երկրորդ հորիզոնականում է «Ղ-տելեկոմը»՝ 28 մլրդ 891 մլն 812 հազ. դրամով, որին հաջորդում են «Ալեքս գրիգ» (21 մլրդ 571 մլն 522 հազ. դրամ), «Զանգեզուրի պղնձամոլիբդենային կոմբինատ» ( 19 մլրդ 940 մլն 784 հազ. դրամ), «Արմենիա տելեֆոն կոմպանի» (16 մլրդ 490 մլն 979 հազ. դրամ) ընկերությունները:

Հաջորդ հնգյակը գլխավորում են՝ «Հայաստանի էլեկտրական ցանցեր» ընկերությունը, որը պետական բյուջե վճարել է 12 մլրդ 430 մլն 380 հազ. դրամի չափով հարկ, այնուհետև «Ֆլեշ» ընկերությունը՝ 11 մլրդ 980 մլն 840 հազ. դրամ, «Գրանդ-տոբակո հայ-կանադ.հ.ձ»՝ 10 մլրդ 465 մլն 5 հազ. դրամ, «ՍիՓիԷս օիլ քորփորեյշն»՝ 9 մլրդ 618 մլն 764 հազ. դրամ։

Տասնյակը եզրափակում է «Ֆիլիպ մորիս արմենիա» ընիերությունը, որը վճարել է 8 մլրդ 29 մլն 933 հազ. դրամի չափով հարկ:

Նշենք, որ երրորդ եռամսկայում տասնյակը դարձյալ այս նույն ընկերություններն են գլխավորել, բացառությամբ «Ֆիլիպ մորիս արմենիայի», որը 12-րդ տեղից բարձրացել է և մտել 10-յակի մեջ: