Զրույց ԱԶԱՏ ԽՈՍՔԻ տաղավարում. ՀՀ-ում հիմա երկու տիպի մարդիկ կան` հայհոյաստանցիներ եւ հայաստանցիներ

ՀՀ-ում տիրող ներքաղաքական իրավիճակի, արտաքին մարտահրավերների, անհայտ կորած մեր տղաների եւ գերիների խնդիրների, նրանց հայրենիք վերադարձնելու գործընթացների եւ պետական մարմինների դրսեւորած վարքի շուրջ մեդիադաշտում հայտնի լրագրող  Գայանե Զարգարյանի հեղինակային «ԱԶԱՏ ԽՈՍՔ» հաղորդաշարի տաղավարում ուշագրավ դիտարկումներ է արել ՀՀ Մարդու իրավունքների առաջին պաշտպան ԼԱՐԻՍԱ ԱԼԱՎԵՐԴՅԱՆԸ, մասնավորապես նախկին ՄԻՊ-ը անդրադարձավ ԱԺ պատգամավորների վարվեկաձեւերին, ընդգծելով, որ ԱԺ ամբիոնն այսօր, ցավոք սրտի  ծառայում է ոչ թե քաղաքական խնդիրներով, արտաքին աշխարհին ի ցույց դնելու մեր խնդիրները, այլ պարզապես զբաղված է միջանձնային խնդիրներ պարզաբանելով.
– Այսօր մեր խորհրդարանը ներքաղաքական, օրենսդրական հարցերով զբաղվող կառույցից վերածվել է միջաձնային գզվռտոցների թատերաբեմի: Ես չեմ տեսել այդտեղ քննարկվող ներքաղաքաղական հարց, զուտ միջանձնային հարցեր` համեմված գռեհիկ բառապաշարով: Ես առհասարակ դատապարտում եմ ցանկացած աձի` գռեհիկ լեզվով շփվելու փորձերը: ԱԺ-ն առավելեւս պետք է զերծ մնա գռեհիկ բառապաշարից: Աժ պատգամավորները գոնե պարտավոր են հիշել, որ մեր լեզուն` մեր հայրենիքն է: Պատահական չէ, որ ես ասել եմ, որ ՀՀ-ում հիմա երկու տիպի մարդիկ կան` հայհոյաստանցիներ եւ հայաստանցիներ:

Ամբողջական հաղորդումը ստորեւ.