15-ամյա աղջկա ինքնասպանության փորձի պատճառը կարո՞ղ է գիրքը լինել. «Հայկական Ժամանակ»

Ինչպես «Հայկական Ժամանակ»-ն է գրում, հունվարի 29-ին Կիևյան կամրջից նետված 15-ամյա աղջիկը պատահարի օրը կասկածելի և տարօրինակ վարք է դրսևորել:

Դասամիջոցին նա պայուսակն ու հեռախոսը թողել և դուրս է եկել դպրոցից՝ ոչ մեկին ոչինչ չասելով:

Դպրոցի տնօրենի պատմելով՝ աղջկա համադասարանցիներն զգացել են, որ նրա հետ ինչ-որ բան այն չէ. կա ընկճվածություն, նեղվածություն, թույլ արտահայտված մեկուսացվածություն:

Երեխաների կողմից գրված բացատրագրերում խոսվել է, որ վերջին շրջանում աղջկա մոտ նկատվել է նաև անտարբերություն դասերի նկատմամբ: Իսկ դեպքի օրը, երբ ցածր գնահատական է սատեցլ, համադասարանցուն ասել է՝ մեկ է վերջին երկուսս է լինելու:

Դեպքից առաջ հաճախ է ընկերներին ասել, որ մի տեսակ հոգնել է կյանքից, բողոքել է անընդհատ:

Աշակերտներից մեկը պատմել է, որ վերջին ժամանակներս նա տարված է եղել ինչ-որ անգլալեզու գրքով՝ Սթեյս Կրամերի «Իմ ինքնասդպանությունից 50 օր առաջ» վերնագրով:

Դասղեկը թղթակցի հետ զրույցում չի բացառել, որ իր աշակերտուհու ինքնասպանության պատճառը կամ դրա համար ներշնչման պատճառ կարող է լինել հենց այդ գիրքը. աղջիկը գրքի հերոսուհու պես նույնպես անգլերեն գրառումներ է արել մինչ ինքնասպանության օրը:

Միաժամանակ դասղեկը տգեղ է որակել մամուլում շրջանառվող այն տեղեկությունը, թե իր աշակերտուհին աղանդավորական ինչ-որ շարժման կարող է հարել:

Հոդվածն ամբողջությամբ կարող եք կարդալ «Հայկական Ժամանակ» օրաթերթի` 19.02.2015թ. համարում: