2 անձ բռնություն է կիրառել 59-ամյա կնոջ նկատմամբ, դանակահարել նրա ամուսնուն

Երեկ՝ մարտի 15-ին, արտակարգ դեպք է տեղի ունեցել Արարատի մարզում:

Ինչպես հայտնում է shamshyan.com-ը՝ ժամը 23։10-ի սահմաններում ոստիկանության Երևան քաղաքի վարչության օպերատիվ կառվարման կենտրոն ահազանգ է ստացվել, որ Արարատի մարզի Լուսառատ գյուղում 2 հոգի ավազակային հարձակում կատարելու նպատակով մտել են տներից մեկը, դանակահարել են մի հոգու և Mercedes մակնիշի ավտոմեքենայով դիմել փախուստի։

Արարատի մարզի ոստիկաններն ու քննիչները պարզել են, որ 2 հոգի նշված հանցագործությունը կատարելու նպատակով մտել են նույն գյուղի Մ. Մաշտոց փողոցի բնակիչ՝ 62-ամյա Գասպար Առաքելյանի տուն և դարանակալել են ավտոտնակում և երբ ուզեցել են արդեն իրենց սև գործն անեն, նկատել են Գ. Առաքելյանի կնոջը՝ 59-ամյա Արուսյակ Նահապետյանին։ Այնուհետև հարձակվել են նրա վրա, փակել բերանը, իսկ ստահակներից մեկը իր մոտ եղած դանակով հարվածներ է հասցրել Գ. Առաքելյանի մարմնի տարբեր մասերին, այնուհետև տեսնելով, որ ամուսինները դիմադրում են, ճիվաղները դիմել են փախուստի։ Արարատի մարզի ոստիկաններն ու քննիչները, համագործակցելով ոստիկանության 6-րդ գլխավոր վարչության աշխատակիցների հետ, պարզել են, որ նշված անձինք են՝ Արտաշատ քաղաքի բնակիչ, 34-ամյա Էդգար Եդիգարյանը, Արարատի մարզի Լուսառատ գյուղի բնակիչ՝ 35-ամյա Արմեն Աբրահամյանը և տաք հետքերով ձեռնարկելով անհրաժեշտ օպերատիվ-հետախուզական և քննչական համատեղ միջոցառումներ ՝ Է. Եդիգարյանին ոստիկանները հայտնաբերել են Փոքր Վեդի-Լուսառատ ավտոճանապարհին, իսկ Ա. Աբրահամյանին՝ Կոտայքի մարզի «Շանգրի Լա» խաղատան մոտ, ով եղել է Mercedes C 180 մակնիշի 35 NX 892 համարանիշի ավտոմեքենայով։  

Նյութը՝սկզբնաղբյուր կայքում