2017 թվականի ընտրություններից հետո ինչպիսի՞ պատգամավորներ ենք ունենալու մենք. Առավոտ (խմբագրական)

Նախախորհրդարանը զրպարտության համար դատի է տվել ՀՀԿ խմբակցության քարտուղար Գագիկ Մելիքյանին, քանի որ վերջինս ասել է, որ այդ կազմակերոպության ավտոերթը կազմակերպվել էր թուրք-ադրբեջանական փողերով: Պատգամավորը պատասխանել է, որ եթե Նախախորհրդարանը տեղեկանք ներկայացնի թուրքական և ադրբեջանական հատուկ ծառայություններից, որ վերջիններս այդ կառույցին փող չեն տվել, ինքը՝ Գագիկ Մելիքյանը, ներողություն կխնդրի: Ավագ դպրոցի աշակերտներն անգամ պետք է իմանան, եթե ես որևէ մեկին մեղադրում եմ հանցագործություն կատարելու մեջ, ապա հենց ես էլ պետք է ապացուցեմ նրա մեղավորությունը, ոչ թե դիմացինս՝ իր անմեղությունը: Բարձրագույն օրենսդիր մարմնի անդամը, որն ինքը մեզ պետք է բացատրի և լուսավորի, թե ինչ է նշանակում անմեղության կանխավարկած, հանցագործ չլինելու մասին տեղեկանք է ուզում:

Կրկին բարձրանում է գիտելիքի և մտահորիզոնի խնդիրը, որը վերջերս արդիական է դարձել: Հիմա վստահաբար կարելի է ասել, որ 2017 թվականի ընտրություններից հետո մենք ունենալու ենբ «այս որակի» պատգամավորներ՝ անկախ նրանից, թե որ կուսակցությունը որքան ձայն է հավաքելու: Եթե ընդդիմությունը ուզում է իշխանափոխության իրականացնել՝ դրա տակ հասկանալով համակարգային փոփոխություններ, ապա այն պետք է նախապատրաստվի 2022 թվականի խորհրդարանական ընտրություններին:

Ասածիս մեջ ոչ մի սարկազմ չկա: Այս պահին ուշ է մտածել հերթական ընտրություններին նախապատրաստվելու մասին:

Արամ Աբրահամյան

Ամբողջությամբ՝ թերթի այսօրվա համարում։