21-րդ դարի առաջին ֆյուրերն էլ կլինի Էրդողանը

Թուրքիայի վարչապետ Բինալի Յլդըրըմը հայտարարել է, որ Թուրքիայի նոր սահմանադրությունը արդեն պատրաստ է, հաղորդում է «Reuters»-ը: «Մենք ավարտել ենք մեր աշխատանքները նոր սահմանադրության և նախագահական համակարգի վրա: Այժմ մենք կուղարկենք մեր առաջարկությունները խորհրդարան, որ նա որոշումն ընդունի», - ասել է Թուրքիայի վարչապետը:

Հիշեցնեմ, որ ըստ նոր սահմանադրության Թուրքիան դառնում է նախագահական երկիր և երկրի նախագահը կկարողանա միևնույն ժամանակ ստանձնել վարչապետի պաշտոնը կամ նշանակել կառավարության ղեկավարին առանց խորհրդարանի կարծիքը հաշվի առնելու:

Թուրքիան նախագահական երկիր դարձնելը երկրի ներկայիս նախագահ ֆաշիստ Ռեջեփ Էրդողանի իդեա ֆիքսն է: 11 տարի Թուրքիայի վարչապետի պաշտոնը զբաղեցնելուց հետո, 2014 թ-ի օգոստոսի 28-ից նախագահի պաշտոնը ստանձնած Էրդողանն այս տարիների ընթացքում բազում փորձեր է կատարել երկիրը պառլամենտա-նախագահականից նախագահական դարձնելու համար, որոնք ավարտվել են անհաջողությամբ:

Սակայն հիմա Էրդողանը իրեն ավելի ամուր է զգում: Հուլիսյան անհաջող պետական հեղաշրջումը ճնշելուց հետո Էրդողանը նաև հետապնդման ենթարկեց ընդդիմությանը և հատկապես իր գլխավոր հակառակորդին՝կրոնական քարոզիչ Ֆ.Գյուլենի բավական հզոր խմբավորմանը:

Հ.Գ.Նեոօսմանիզմի և նեոպանթուրքիզմի ջատագով Էրդողանը, որն այս օրերին արդեn մի քանի անգամ տարածքային պահանջներ է ներկայացրել Թուրքիայի հարևան գրեթե բոլոր երկրներին գնալով ոչ միայն իր պահվածքով, այլև՝արարքներով և քայլերով նմանվում է Գերմանիայի ֆաշիստ առաջնորդ Ադոլֆ Շիկլգրուբեր-Հիտլերին, որը 1933 թ-ին դառնալով Գերմանիայի վարչապետ 1934 թ-ի օգոստոսի 2-ին Գերմանիայի նախագահ Հինդենբուրգի մահից հետո թույլ չտվեց անցկացնել նոր նախագահական ընտրություններ Ֆյուրեր:

21-րդ դարի առաջին Ֆյուրերն էլ կլինի Ռեջեփ Էրդողանը:

Գագիկ Համբարյան. Ֆեյսբուք