50-ամյա տղամարդն ինքնասպան է եղել՝ հացատան գերանից պարանով կախվելու միջոցով

2015թ. նոյեմբերի 13-ին` ժամը 09:30-ին, Սյունիքի մարզի Լծեն համայնքի ղեկավար Հրահատ Նիկալյանից ահազանգ է ստացվել, որ նույն գյուղի բնակիչ 50-ամյա Բենիկ Հարությունյանն իրենց տանը կախվելու միջոցով ինքնասպան է եղել:

Դեպքի վայր է մեկնել քննչական-օպերատիվ խումբը՝ ՀՀ քննչական կոմիտեի Սյունիքի մարզային քննչական վարչության Սիսիանի քննչական բաժնի քննիչի գլխավորությամբ։

Ըստ Քննչական կոմիտեի, նախնական տվյալներով, Բ.Հարությունյանն ինքնասպանություն է գործել 2015թ. նոյեմբերի 13-ին` ժամը 07:30-ի սահմաններում, իրենց տանը կից հացատան գերանից պարանով կախվելու միջոցով: Դիակի արտաքին զննությամբ բռնության հետքեր չեն հայտնաբերվել: Նշանակվել է դատաբժշկական փորձաքննություն։

Կատարվում է քննություն՝ Բ.Հարությունյանի մահվան հանգամանքները, ինքնասպանություն գործելու պատճառները պարզելու ուղղությամբ։

Մանրամասները՝ pastinfo.am-ում