6-ամյա աղջիկը բոլորի աջակցության կարիքն ունի

Քաղցկեղի չարիքը դատավճիռ չէ: Ծնունդով Ջավախքից վեց տարեկան Իրիանայի կյանքը փրկելու համար պայքարում են Ջավախքում, Հայաստանում եւ Սփյուռքում: Մեծ դրամահավաք է սկսվել Իրինայի ծննդավայրում՝ Ջավախքում:

Վեց տարեկանը դեկտեմբերին նոր բոլորող Իրինա Հանեսյանը մեր բոլորի աջակցության կարիքն ունի: Կյանքն Իրինային ու նրա հարազատներին դժվար փորձության առջեւ է կանգնեցրել: Իրինային բժիշկներն ախտորոշել են «Մեդուլոբլաստոմա» կոչվող գլխուղեղի չարորակ ուռուցք:

Իրինան դեկտեմբերի 10-ին կդառնա 6 տարեկան: Այս անգամ, սակայն, նա տարեդարձը նշելու է ոչ թե տանը՝ հարազատների ու ընկերների հետ, այլ Գերմանիայի Դյուսելդորֆ քաղաքի համալսարանական հիվանդանոցի մանկական կլինիկայի ուռուցքաբանական բաժանմունքում: Նրան արդեն երկու անգամ վիրահատել են:

«Վիրահատությունները բարեհաջող են անցել: Բուժման շանսերը բավականին բարձր են», - ասում են նյարդավիրաբույժները: Բժիշկներն ասում են, որ Իրինան վիրահատություններից հետո շատ արագ է վերականգնվում: Նա շարունակում է ժպտալ ու նկարել՝ սպասելով ապաքինմանը: Ծնողներն ու հարազատները բժիշկների հետ պայքարում են նրա կյանքի համար:

Նախնական բուժման համար անհրաժեշտ է շուրջ 50 հազար եվրո, որից 30 հազարը՝ արդեն տեղի ունեցած վիրահատությունների, մնացածը՝ քիմիաթերապիայի կուրսը սկսելու համար: Իրինան պետք է անցնի քիմիա եւ ռադիոթերապիայի 7-10 կուրս: Յուրաքանչյուր կուրսի արժեքը շուրջ 15 հազար եվրո է: Սա մեծ գումար է, ուստի Իրինայի եւ նրա ծնողների անունից դիմում ենք բոլոր նրանց, ովքեր կարող են աջակցություն ցուցաբերել: Ընտանիքի ընկերների, բարեկամների ու դրամահավաքին մասնակից շատ մարդկանց շնորհիվ արդեն հավաքվել է 30 հազար եվրո։

Յուրաքանչյուր աջակցություն, անկախ գումարի չափից, կարեւոր է: Յուրաքանչյուրի ֆինանսական աջակցության համար ընտանիքը շնորհակալ կլինի:

Օգնել ցանկացողները կարող են անցնել այս հղմամբ եւ գումար փոխանցել փոքրիկի բուժման համար՝ https://www.gofundme.com/6pwaj-help-irina:

Հայաստանից հանգանակություն կարող եք կատարել բանկի միջոցով՝ ՎՏԲ բանկում բացված հատուկ հաշվեահամարներին: Ստացող՝ Մյասնիկ Հանեսյան (MIASNIK ANESYAN)

AMD 16048343490004

USD 16048343490005

EUR 16048343490006

RUR 16048343490007

Ռուսաստանից ու Հայաստանից արագ փոխանցման համար բացվել են նաեւ հաշվեհամարներ Яндекс եւ Idram համակարգերով

Яндекс– 410017983060786

Idram – 459135910