«70.000 $-նոց» ցուցմունք՝ Յուվեցի Կարոյի գործո՞վ.մանրամասներ

՛՛Լակմուսին՛՛ հասած տեղեկությունների համաձայն,ԱԺ պատգամավոր Կարո Կարապետյանը ՛՛տեռորի՛՛ ենթարկելու նոր թիրախ է գտել. Մասիս քաղաքի բնակիչ Ռոմանոս Դանոյանից պահանջում է 70.000 դոլար պարտքը, վերջինս էլ չի վերադարձնում, նշելով, թե հօգուտ նրա ցուցմունք /մեր գնահատմամբ՝ կեղծ/ է տվել Արթուր Զադոյանի գործով: Սակայն լուրեր կան, որ պատգամավորին չի բավարարել այդ պատասխանը և նա շարունակում է գումարապահանջը պնդել ՛՛ծեծամշակման՛՛ մեթոդով: Մանրամասները պարզվում են…

Ինչ վերաբերում է Արթուր Զադոյանի քրգործին, ապա այն ոչ թե քննած է, այլ …ած: Իրեն ՛՛լավ կրակող՛՛ համարող, ԶԼՄ-ներում իր սկանդալային պատմություններով մշտական գրանցում ունեցող ԱԺ պատգամավոր Կարո Կարապետյանը իշխանության գլխի թագն է դարձել. քննիչները, դատախազները, ԱԱԾ-ն, դատավորը գլխներին դրած ման են տալիս և յուրաքանչյուրն իր տեղում կոծկում, լղոզում, աչք է փակում նրա արարքների վրա՝ խախտելով քրեադատավարական մի շարք օրենքներ:Նման տպավորություն կա կոնկրետ 2009թ-ին, Երասխ-Երևան մայրուղու վրա Յուվեցի Կարոյի կրակոցներից տուժած Արթուր Զադոյանի գործով, որի դատաքննությունը մոտենում է ավարտին:

Հիշեցնենք, որ ՀՔԾ-ն այս գործը 5 տարի քննեց-քննեց, 5-րդ տարում Ա. Զադոյանին տուժողից դարձրեց մեղադրյալ, և հիմա, երբ մի հատ էլ ենք անցնում այս քննած գործի վրայով, քննիչներին, դատախազներին քննելու, ինչու չէ՝ նաև դատելու հիմքեր են առաջանում:

Վերջին դատական նիստում Արթուր Զադոյանի պաշտպան Սիմոն Ամիրխանյանը դատարանում քրեադատավարական խախտումների մասին մի քանի հայտարարություններ, միջնորդություններ արեց: Նա նաև սուտ մատնության վերաբերյալ հաղորդում տվեց դատարանում, որը վերաբերում էր պատգամավորի վարորդ, դեպքի ականատես, գործի քննության ընթացքում հակասական ցուցմունքներ տված Օնիկ Հովհաննիսյանին:

մանրամասներն` այստեղ: