800 միլիոն դրամից ավել գումար կմտնի պետբյուջե

Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» ՀՀ օրենքում փոփոխություն կատարելու մասին կառավարության հեղինակած նախագիծն այսօր ԱԺ-ում ընդունվեց 107 կողմ, 4 դեմ և 1 ձեռնպահ ձայների հարաբերակցությամբ:

Ի՞նչ է ենթադրում այս նախագիծը:

Արդեն առաջին ընթերցմամբ ընդունված նախագծով ՀՀ այն արական սեռի քաղաքացիները, ովքեր Հայաստանում չեն և չեն անցել պարտադիր զինվորական ծառայությունը՝ կարող են վերադառնալ հայրենիք, կատարել սահմանված վճարումը ու ազատվեն քրեական հետապնդումից:

Կա՞ր արդյոք նման օրենսդրական փոփոխության անհրաժեշտություն:

«Սահմանված կարգի խախտմամբ՝պարտադիր զինվորական ծառայությունչանցած քաղաքացիների մասին» ՀՀ օրենքում փոփոխություն կատարելումասին նախագծի հիմնավորման մեջ նշվում է, որ

«Զինապարտության մասին» Հայաստանի Հանրապետության օրենքիխախտմամբ պարտադիր զինվորական ծառայության զորակոչից խուսափածու 27 տարին լրացած ՀՀ քաղաքացիները խուսափելով քրեականհետապնդումից` չեն վերադառնում Հայրենիք: Այդ քաղաքացիների նկատմամբհարուցված քրեական հետապնդումը դադարեցնելու նպատակով արդենhինգերորդ անգամ կատարվել է փոփոխություն, որը մեծ խթան է հանդիսացելհազարավոր երիտասարդների վերադարձը Հայրենիք ապահովելու գործում:

Ինչպիսի՞ կարգավորում է առաջարկել կառավարությունը այս նախագծով:

Նախագծի ընդունմամբ՝ կարգավորվում է ՀՀ հազարավոր քաղաքացիներին քրեական հետապնդումից ազատման խնդիրը, ինչպես նաև ապահովվում է այդ երիտասարդների վերադարձը հայրենիք:

Առաջին ընթերցմամբ արդեն իսկ ընդունված օրենքի կիրառման արդյունքում ստացած վճարները մուտքագրվում են Հայաստանի Հանրապետության պաշտպանության բնագավառում պետական լիազոր մարմնի կողմից այդ նպատակով բացված հատուկ հաշվում և ուղղվում են ռազմատեխնիկական նշանակության ապրանքների ձեռքբերման ծախսերի ֆինանսավորմանը:

2013 թվականին, օրենքի կիրառման արդյունքում հատուկ հաշվում մուտքագրվել է 801.230.000 ՀՀ դրամ, ինչը հաշվի առնելով գործողության ժամկետը՝ մեկ տարով երկարացվելը հանգեցնում է 2014 թվականին և հաջորդ տարիներին լրացուցիչ 800 միլիոն դրամից ավելի գումարների մուտքեր հատուկ հաշվում: