«ԱԺ-ն խամաճիկների թատրոն է. Փաշինյանին մենք սպասում ենք հրապարակում, ոչ թե ամբիոնի մոտ» (Video)

1in.am-ը գրում է.Սա նոր փուլ է քաղաքական ու քաղաքացիական կյանքի ու պայքարի մեջ, երբ պետությունն ակնհայտորեն անցնում է ահաբեկչության: Այս մասին մեզ հետ զրույցում նշեց «Նախախորհրդարանի» անդամ, կինոռեժիսոր Տիգրան Խզմալյանը՝ անդրադառնալով վերջին օրերին «Նախախորհրդարանի» անդամների մեքենաների հրկիզման և քաղաքացիական ակտիվիստին դաժան ծեծի ենթարկելու փաստերին:

«Ընդ որում՝ դա տեղի ունեցավ ոչ թե օրերի, այլ 2 ժամվա ընթացքում, ինչը նշանակում է, որ գործ ունենք հատուկ գործողության հետ, իսկ հատուկ գործողությունը սովորաբար կատարում են հատուկ ծառայությունները: Պետք չէ մեծ մասնագետ լինել հասկանալու համար, որ սա հատուկ ծառայությունների և, իմ խորին համոզմամբ, անգամ ոչ հայկական հատուկ ծառայությունների ձեռքի գործն է: Ես մեծ կասկածներ ունեմ, որ այստեղ իրականացվում է այն չարաբաստիկ ծրագիրը, որի մասին բարձրաձայնել էր սկզբում ՌԴ նախագահ Պուտինը, որը հիմա փաստորեն հանդիսանում է նաև Հայաստանի նախագահը: Այդ մասին ավելի ուշ խոսեց ՌԴ դեսպանը՝ ասելով, որ պետք է կանգնեցնել այն կազմակերպություններին և անհատներին, որոնք սեպ են խրում հայ-ռուսական դարավոր բարեկամության մեջ»,- ասաց Խզմալյանը:

Նրա խոսքով՝ հատուկ ծառայություններն ու պետական մարմիններն անցել են գրոհի քաղաքացիական հասարակության այն կազմակերպությունների, շարժումների ու անհատների դեմ, որոնք դեռ փորձում են պահպանել հայոց պետականությունը, որն այսօր կլանվում է Ռուսաստանի և ցնորք համարվող ռուս-թյուրքական Մաքսային միության մեջ:

մանրամասները` սկզբնաղբյուրում