ԱՀԿ-ն կոչ է արել մինչեւ 2022 թվականի կեսը պատվաստել Երկրի բնակչության 70%-ին

Առողջապահության համաշխարհային կազմակերպության գլխավոր տնօրեն Թեդրոս Ադանոմ Գեբրեեսուսը պետություններին կոչ է արել մինչեւ 2022 թվականի հուլիսի 1-ը կորոնավիրուսի դեմ պատվաստել աշխարհի բնակչության 70%-ին, հայտնում է «ՌԻԱ Նովոստին»։

«Ես կոչ եմ անում բոլորին Նոր տարուն խոստանալ մինչեւ 2022 թվականի կեսը աջակցել բնակչության 70%-ի պատվաստումների արշավին։ Մեզ մնացել է 185 օր՝ մինչեւ 2022 թվականի հուլիսի սկզբը բնակչության 70%-ի պատվաստման ավարտական եզրագծին հասնելը: Ժամակը մեկնարկել է»,- Ժնեւում COVID-19-ի հայտնաբերման երկրորդ տարեդարձին նվիրված մամուլի ասուլիսում ասել է Գեբրեեսուսը: