Ալեքսանյանի սուպերմարկետներում անցում են կատարում «սպիտակ» հաշվապահության

Հանրապետական օլիգարխան, որը մայիսի 8-ին սատարեց Նիկոլ Փաշինյանին վարչապետ ընտրվելու հարցում, նոր Կառավարության ձևավորմանը զուգընթաց նորացնում է իր աշխատելաոճը։ 

Մասնավորապես, եթե նախկինում Հանրապետական պատգամավորներին պատկանող բիզնեսներն աշխատում էին ստվերում կամ մասնագիտական լեզվով ասած` «սև» հաշվապահությամբ, հիմա արդեն որոշել են հաշվապահության գույնը փոխել։ 

ԼՈւՐԵՐ․com-ի տեղեկություններով՝ ԱԺ Հանրապետական խմբակցության պատգամավոր Սամվել Ալեքսանյանին պատկանող սուպերմարկետների ցանցում հրատապ կարգով անցում են կատարում «սպիտակ» հաշվապահությանը։

Նշենք, որ քաղաքական ակտիվ զարգացումների մեջ արագ կողմնորոշվող Ալեքսանյանին այս հարցում հետևել են նաև ՀՀԿ-ական այլ գործարար պատգամավորներ՝ նպատակ ունենալով ևս մեկ անգամ վերահաստատել Նիկոլ Փաշինյանի պնդումը, որ արտոնյալներ չեն լինելու, բիզնես-պաշտոն սերտաճումն էլ բացառելու են։