Ալյուրի գինը` մինչև 50.000 դրամ

Հացամթերքի շուկան ամենախոցելիներից մեկն է Հայաստանում: Հաց արտադրողների 60-70 տոկոսն անհայտ ծագման են. սպառողը չգիտի՝ ո՞վ է արտադրողը:
Հաց արտադրողները բողոքում են, որ իրենք ալյուրի գների բարձրանալուց հետո 50 կիլոգրամանոց պարկը գնել են 18 հազար դրամով: Ալյուր արտադրողներն էլ Shabat.am-ի թղթակցին ներկայացրեցին իրենց գնային քաղաքականությունը.

«Գրանդ Քենդի» ընկերությունում 50 կիլոգրամանոց բարձրորակ ալյուրի պարկն արժե 13.300 դրամ: «Թալգրիգ» ընկերությունն էլ նույն որակի և քաշի ալյուրը վաճառում է 13.800 դրամով:
Ինչպես արտադրողներն են նշում , իրենք թանկացման հետ ոչ մի կապ չունեն և գնորդն է որոշում որքանով վաճառի գնված ալյուրը:
Այսինքն՝ ակնհայտ է, որ հացի շուկայի երկու հիմնական խաղացողների` ալյուր և հաց արտադրողների ասածներն իրար չեն համապատասխանում և էապես մեկը մյուսից տարբերվում են: Այստեղ հարց է առաջանում. ինչպե՞ս է գոյացել 18 հազար դրամ գինը, և ում գրպանն է մտել «ավելցուկը»: Հիշեցնող ՀՀ տնտեսական մրցակցության պաշտպանության պետական հանձնաժողովը, ի վերջո, կպարզաբանի, թե այս շուկայում ինչ է կատարվում, և ով է դրա համար պատասխանատոնւ:
Մեկ այլ հարց է առաջանումն. ինչո՞ւ արտադրող ընկերությունները ալյուրի գները էժան են վաճառում, բայց խանութներում հացի տեսականին, հացաբուլկեղենը 20-30 դրամով թանկ է վաճառվում:
Ալյուրի բացթողնման գներն իջեցրել է նաև Բաղրամյանի ալյուրի գործարանը, որոնց մեկ կիլոգրամը խանութներում 370-390 դրամի սահմաններում է վաճառվում, դեկտեմբերի 17-18-ին՝ 460-480 դրամի համեմատ: Երևան սիթի սուպերմարկետների ցանցում էլ 5 կիլոգրամանոց ալյուրս արժե 2005 դրամ: