Ամանորին գնաճն անխուսափելի է

Ամանորը մոտենում է և բոլորին մի հարց է հետաքրքրում, թե ամենահասմեստ ամանորյա զամբյուղի համար որքան գումար պետք է ծախսել և արդյո՞ք, ամանորին ընդհառաջ սպառնում է ամենամյա գնաճը, թե՞ ոչ: Այսօր լրագրողների հետ հանդիպման ժամանակ Սպառողների ասոցիացիայի նախագահ Արմեն Պողոսյանը խոսելով այս մասին ասաց. «Գնաճ սպասվում է մոտ 8-10 տոսկոսի չափով, չնայած տավարի մսի գինն իջել է, ամեն դեպքում միրգ-բանջարեղենինը,  բարձրանալու է: Սա մեր տվյալներով, իհարկե, ես կցանկանայի սխալված լինեմ, բայց...»: Անդրադառնալով այսպես ասած,  հայերի ճոխ ու առատ սեղաններ բացելու սովորությանը, պարոն Պողոսյանը նշեց. «Մարդը պետք է հաշվի առնի իր հյուրերի քանակը: Ամեն դեպքում փոքրերի համար պետք է անենք, չնայած մեծերն էլ դրանով ուրախանում են: Բայց ինչքան էլ, որ մարդիկ անհաշվենկատ են, ամեն դեպքում աժիոտաժը լավ սովորույթ է: Ընդունված է, որ գնումները սովորաբար կատարվում են երկուսուկես անգամ շատ է, բայց մարդու ստամոքսը նույնն է: Միսը, ձուկը, երկրորդ անգամ սառնարան հանել դնելուց հետո արդեն չի կարելի, կամ թափում են, կամ էլ յոթերորդ օրը ուտում են, երկուսն էլ՝ սխալ է: Ինչ խոսք գեղեցիկ սովորույթ է, բայց հաճախ հայերս չափազանցնում ենք»: Խոսելով գնումների համար անհրաժեշտ գումարի միջին հաշվարկից, պարոն Պողոսյանը ներկայացրեց հաշվարկված մոտավոր տվյալներ. «Քանի որ կա բաշխվածություն` ներկայացնենք միջին խավի հաշվարկը` 200-300 հազրա դրամ ծախսում են անպայման: Բայց եւ մարդիկ պետք է գնանան իրենց  հարազատներին տեսնելու, ու դա էլ է ծախս: Բայց դե չխոսենք այն խավի մասին, որի համար միևնույնն է մերսեդեսն ինչ արժե, ձուն ինչ արժե: Բայց իհարկե ունենք ևս մի խավ, որի համար ճոխություն է անգամ այդ 100 հազարի գնումները»:

Զառա Ղազարյան