Ամենամեծ պարտքեր կուտակած հարկատուներն արդեն սնանկ են ճանաչվել

Փաստինֆոն գրում է. Հարկային ամենամեծ պարտքեր կուտակած ընկերությունների մասին ամենաթարմ տեղեկությունները ֆինանսների նախարարությունում այս պահին 2013 թ-ի տվյալկներն են:

Այս պահի դրությամբ ամենամեծ պարտքեր կուտական հարկատուների առաջին տասնյակի մասին «Փաստինֆո»-ի հարցմանն ի պատասխան՝ ֆինանսների նախարարությունից մասնավորապես այսպիսի պատասխան է ստացվել. «Հարկային մարմինները Հայաստանի Հանրապետության կառավարության սահմանած ձևով և կարգով, ցանկերի տեսքով հարկային մարմնի պաշտոնական ինտերնետային կայքում հրապարակում են տեղեկատվություն մինչև հաշվետու տարվան հաջորդող տարվա հուլիսի 1-ը հաշվետու տարվա արդյունքներով ապառքներ կուտակած հարկ վճարողների վերաբերյալ»: Այլ կերպ ասած՝ ավելի թարմ տվյալներ կհրապարակվեն միայն այս տարվա հուլիսի 1-ին:

Իսկ մինչ այդ, նշենք, որ 2013թ-ին ամենամեծ պարտքեր ունեցողների ցուցակը գլխավորել է «Նաիրիտ» գործարանը՝ 1 212 713 100 դրամով, երկրորդ տեղում Ագարակի պղնձամոլիբդենային գործարանն է, որն իր պարտքի չափով, ի դեպ, «Նաիրիտ»-ին շատ քիչ է զիջում (1 081 875 500):

Երրորդ ու չորրորդ տեղերում համապատասխանաբար «Ջիլո» (336 862 000) և «Սապֆիր» (219 678 000) ընկերություններն են, որոնք ներկա պահին, ի դեպ, արդեն սնանկ են ճանաչվել:

Ցուցակի հինգերորդ տեղում «Արայ» ընկերությունն է՝ 216 877 700 դրամ չվճարված հարկերով: 6-րդ տեղում Ոստիկանության կազմում գործող պետական ոչ առևտրային «Լուսանշան» կազմակերպությունն է: Նրա պարտքը 2013թ-ին կազմել է 211 578 700 դրամ:

7-րդ և 10-րդ տեղերում համապատասխանաբար «Մանաուս» և «Տոնուս» շինարարական կազմակերպություններն են՝ 206 969 200 և 128 517 300 դրամ պարտքերով: Ի դեպ, «Տոնուս»-ը ևս արդեն սնանկ է ճանաչվել:

մանրամասները` սկզբնաղբյուրում