Ամերիկյան Հավայի նահանգում ինքնաթիռ է կործանվել, կա 9 զոհ

ԱՄՆ Հավայի նահանգի Դիլինգհեմ քաղաքի օդանավակայանի մոտ ինքնաթիռ է կործանվել, հաղորդում է Hawaii News Now հեռուստաալիքը: Զոհերից 5-ն ուսանող են, 3-ը՝ սքայդայվերներ: Զոհվել է նաև օդաչուն:

«Հավայիի տրանսպորտի վարչությունը մեծ ցավով տեղեկացնում է, որ King Air երկշարժիչային ինքնաթիռում, որը կործանվել է Դիլինգհեմի օդանավակայանի մոտ, 9 մարդ է գտնվել, նրանցից ոչ ոք ողջ չի մնացել»,- ասված է վարչության թվիթերյան գրառման նեջ:

Նահանգի կենտրոնական Հոնոլուլու քաղաքի քաղաքապետ Քըրք Կոլդուելը ողբերգության առնչությամբ իր ցավակցությունն է հայտնել զոհերի հարազատներին: Կադրերից դատելով՝ ինքնաթիռն ամբողջությամբ այրվել է, սակայն դեռևս հայտնի չէ, թե երբ է այն կործանվել՝ վերելքի՞, թե՞ վայրէջքի ժամանակ:

Դիլինգհեմ քաղաքի օդանավակայանն անորոշ ժամանակով փակվել է: Նշվում է, որ սա նահանգի արդի պատմության մեջ քաղաքացիական ինքնաթիռի կործանման ամենաողբերգական դեպքերից է: