Ամուսնու եղբորը մեղադրել է իրեն բռնաբարելու մեջ, ապա ներքնազգեստները պատռել ու...

Ամուսնու եղբորը մեղադրել է իրեն բռնաբարելու մեջ, ապա կեղծ ապացույցներ է ստեղծել ու ներքնազգեստները պատռել ներկայացրել նախաքննական մարմնին:

Ըստ մեղադրանքի՝ Արմավիրի մարզի բնակչուհին, նախազգուշացված լինելով հանցագործության մասին սուտ մատնության համար նախատեսված քրեական պատասխանատվության մասին, գիտակցելով, որ իր տրամադրած տեղեկատվությունը կեղծ է, 2016թ. հուլիսի 25-ին Ոստիկանության Արմավիրի բաժնում իրականությանը չհամապատասխանող հաղորդում է տվել այն մասին, որ 2016թ. հուլիսի 25-ին` ժամը 01:30-ի սահմաններում, իր՝ Արգավանդ գյուղի 9-րդ փողոցի թիվ 10 տան հյուրասենյակում ամուսնու եղբայրը՝ Շ.Խուդոյանը, բռնություն գործադրելով իր նկատմամբ՝ կամքին հակառակ բնական ճանապարհով սեռական հարաբերություն է ունեցել իր հետ:

Ապա մեղադրանքի արհեստական ապացույցներ ստեղծելու դիտավորությամբ 25-07-2016թ.-ին Արմավիրի մարզի Առատաշեն գյուղում գտնվող իր հայրական տանը անձամբ պատռել է իր ներքնազգեստն ու շրջազգեստը, և հաջորդ օրը ներկայացրել է Արմավիրի մարզային քննչական վարչություն, հայտարարել, որ բռնաբարության ժամանակ այդ հագուստներն իր հագին են եղել, ու դրանց վրայի պատռվածքներն առաջացել են Շ.Խուդոյանի հանցավոր բռնի գործողությունների հետևանքով:

Կնոջը մեղադրանք է առաջադրվել ՀՀ քրեական օրենսգրքի 333-րդ հոդվածի 2-րդ մասի 1-ին և 2-րդ կետերով, նրա նկատմամբ որպես խափանման միջոց ընտրելով չհեռանալու մասին ստորագրությունը:

 Աղբյուրը` Pastinfo.am