Անաստասիա Վոլոչկովան 3.000.000 դոլար արժողությամբ առանձնատուն է գնել

Անաստասիա Վոլոչկովան լքում է իր ամառանոցը, որտեղ բնակվում էր վերջին 6 տարիներին: 39-ամյա նախկին պարուհու տեղափոխվելու պատճառը մերձմոսկովյան շրջանում շքեղ առանձնատան ձեռքբերումն է:

Ինչպես հաղորդվում է, Անաստասիայի և նրա 9-ամյա դստեր տրամադրության տակ է գտնվում երեք լոգարան, երեք զարդասենյակ, երեք ննջասենյակ, ընդարձակ ճաշասենյակ, բուխարի, խոհանոց, երկու ավտոտնակ և բիլիարդի սենյակ:

«Super»-ին հաջողվել է պարզել, որ մերձմոսկովյան էլիտար թաղամասում գտնվող 645 ք/մ տարածք ունեցող առանձնատունը Վոլոչկովան ձեռք է բերել 2014 թվականի հոկտեմբերին:

Առանձնատունն արժե մոտավորապես 3.000.000 դոլար: Տունը ձևավորելու հարցում նախկին պարուհուն օգնել է նրա ընկերուհի դիզայներ Յանա Շևչենկոն:

Շինանյութեր ձեռք բերելու համար Վոլոչկովան օգտվել է ամենաժամանակակից սրահներից: Ուշագրավ է այն փաստը, որ Վոլոչկովան, ինչպես ինքն է ասում, սեփական ձեռքերով է վերանորոգել առանձնատունը:

Թաղամասում, որտեղ այսուհետև կբնակվի հայտնի Վոլոչկովան, կա ընդամենը 98 առանձնատուն: Վոլոչկովայի նոր տնից մի քանի հարյուր մետր հեռավորության վրա գտնվում է սպա-կենտրոն, որտեղ նախկին պարուհին շատ է սիրում անցկացնել իր ժամանակը: Իսկ նրա դստեր՝ Արիադնայի համար մանկական հրապարակ կա:

Մեծ թատրոնի նախկին աստղ Վոլոչկովային է պատկանում նաև Մոսկվայի կենտրոնում գտնվող 165 ք/մ տարածք ունեցող մի բնակարան: Ինչպես հայտնում է հեռուստահաղորդավարուհի Քսենյա Սոբչակը, էլիտար բնակարանը Վոլոչկովան ստացել է միլիարդատեր Սուլեյման Կերիմովից, ում հետ նա մտերիմ հարաբերությունների մեջ էր: