Աննախադեպ խոշոր կարկուտն ավերածություններ է գործել Ամասիայում, Լոռիում

Այսօր խոշոր ու տևական կարկուտը խոշոր վնասներ է հասցրել Լոռու մարզում ու Ամասիայի տարածաշրջանում: Շիրակի մարզի Ամասիայի տարածաշրջանում կարկտահարությունն սկսվել է 19:30-ի սահմաններում և տևել է մոտ կես ժամ: Մասնավորապես՝ Բյուրակն, Արեգնադեմ, Գտաշեն, Ջրաձոր, Բանդիվան համայնքներում ամբողջովին հողին են հավասարեցվել աշնանացան ցորենի ու մշակաբույսերի ցանքատարածությունները: Վանաձորում և հարակից բնակավայրերում էլ շուրջ 15 րոպե տեղացած կարկուտից վնասել են մեքենաներ, այգիներ, ցանքատարածություններ:

Վանաձորին հարակից Շահումյան համայնքում սելավը ճանապարհներ է քշել տարել, գյուղում սողանքի վտանգ է առաջացել: