Անդո Խրոմոյը ՀՀ էր վերադարձել՝ՌԴ-ից դեպորտի ենթարկվելու պատճառով

Հայտնի է, որ  ս.թ-ի հուլիսի 2-ին՝ ժամը 23:10-ին, «Սուրբ Գրիգոր Լուսավորիչ բժշկական կենտրոն»-ից Ոստիկանության Նոր Նորքի բաժին ահազանգ է ստացվել, որ հրազենային վնասվածքով իրենց մոտ է բերվել 1973 թվականին ծնված Անդրանիկ Հ-ի դիակը: 

Արդեն առավոտ ՀՀ քննչական կոմիտեի ԵՔՔՎ Ավան և Նոր Նորք վարչական շրջանների քննչական բաժնում տարված քննության արդյունքում պարզ էր դարձել, որ սպանվածը 1973 թվականին ծնված Անդրանիկ Հարությունյանն էր:
Դեպքի առթիվ հարուցվել է քրեական գործ ՀՀ քրեական օրենսգրքի 104-րդ հոդվածի 1-ին մասի և 235-րդ հոդվածի 1-ին մասի հատկանիշներով:

Քրեական գործով էական նշանակություն ունեցող հանգամանքները պարզելու նպատակով նշանակվել են դիակի դատաբժշկական, դատաձգաբանական, դատահետքաբանական փորձաքննություններ, հարցաքննվել են մի շարք վկաներ: Նախաքննությունը շարունակվում է:

Անդրանիկ Հարությունյանը, ով  քրեական աշխարհում հայտնի է նաև Անդո Խրոմոյ՝ Կաղ Անդո կեղծանունով, հիմնական գործունեություն  ծավալել է ՌԴ-ում՝ Մոսկվայում, թեեւ ըստ տարածված լուրերի ոչ պակաս ակտիվություն դրսեւորել է նաեւ մի շարք եվրոպական երկրներում:   

2009թ. նա ՌԴ–ում դատապարտվել է 3 տարի 3 ամիս ժամկետով ազատազրկման ՌԴ քրեկան օրենսգրքի մի քանի հոդվածներով։

Անդրանիկ Հարությունյանի նկատմամբ քրեական հետապնդում  իրականացվել նաև Հայաստանում։ Մասնավորապես 2018թ. հունիսին ոստիկանության քրեական հետախուզության գլխավոր վարչության աշխատակիցները խուզարկություններ էին կատարել մի շարք «օրենքով գողերի»՝ այդ թվում Մասիվցի Անդիկի բնակարանում։ Արդյունքում Անդրանիկ Հարությունյանը ձերբակալվել էր՝ թմրամիջոցներ ապօրինի պահելու կասկածանքով:

Նախնական տվյալներով՝ 2018թ. հունիսի 20-ին Անդրանիկ Հարությունյանի բնակության վայրում կատարված խուզարկությամբ հայտնաբերվել էր «Մեթադոն» տեսակի թմրամիջոց։

Դեպքի առթիվ ՀՀ ոստիկանությունում հարուցվել էր քրեական գործ՝ ՀՀ քրեական օրենսգրքի 266-րդ հոդվածի 1-ին մասի և ՀՀ քրեական օրենսգրքի 268-րդ հոդվածի 1-ին մասի հատկանիշներով։

Ի դեպ,  NewsMedia-ին հասած տեղեկությունների համաձայն, ասում են Անդրանիկ Հարությունյանը  ՀՀ  էր վերադարձել ՌԴ-ից   «դեպորտ»-ի ենթարկվելու  արդյունքում,  եւ  ըստ նույն լուրերի, Հարությունյանը  վերջին ժամանակներս ասում են առավել ոգեւորված էր իր վերադարձով, եւ առիթի դեպքում չէր զլանում  ակնարկել, որ Հայաստանում տեղի ունեցած  հայտնի իրադարձություններից հետո՝  մեր երկրում այնուամենայնիվ իրական տեղաշարժեր են լինելու:

Նշենք,նաեւ որ Ա. Հարությունյանը (շրջանառվող լուրերի համաձայն) ՌԴ-ում ծավալած իր գործունեության ընթացքում,  հասցրել է բավականին ջերմ հարաբերություններ հաստատել  նաեւ  չեչեն  «օրենքով գողերի» հետ: