Անգին են հայրենիքի համար զոհված տղաների կյանքերն ու կատարած քայլերը

Fnews.am-ը շարունակում է ամփոփել  տարվա ձեքբերումներն ու բացթողումները՝ լրագրողների աչքերով:

Այս անգամ տարվա ձեռքբերումներն ու բացթողումները ամփոփել է լրագրող  Սոսե Չանոյանը: 

2015 թվականն ինձ համար յուրահատուկ տարի էր, այն վառ էր, գունեղ ու լուսավոր: Եթե անկեղծ, մի փոքր կդժվարանամ թվարկել բոլոր ձեռքբերումներն ու հաջողությունները, որոնք գրանցել եմ այս տարում: Պարզապես ամփոփ կերպով կարող եմ ասել, որ ես առաջ եմ գնում կյանքի ամենագեղեցիկ ու կանաչ ճանապարհով, որտեղ տիրում է ջերմությունը, սերն ու երջանկությունը:
Որպես լրագրող կարող եմ ասել՝ 2015թ-ը խիտ էր ինչպես դրական, այնպես էլ բացասական զարգացումներով ու գույներով: Բացասական ու ցավալի եմ համարում ժամանակ առ ժամանակ հակառակորդի կողմից սադրանքներն ու սահմանին տիրող իրավիճակը: Անգին են հայրենիքի համար զոհված տղաների կյանքերն ու կատարած քայլերը: Հայոց արծիվների հոգիները թող խաղաղ ճախրեն երկնքում…
Թերևս ամենադրական ու կարևոր շեշտադրումը, որը կուզեի անել, ու որը երբեք չպետք է անտեսել դա ՀՀ Զինված ուժերի Գերագույն գլխավոր հրամանատարի և ՀՀ պաշտպանության նախարարի սրտացավությունն է առ Հայաստանի Հանրապետություն, հայ զինվոր, Հայոց բանակ: Նրանց տեղին ու դիպուկ քայլերն են, որ զսպաշապիկ են հանդիսանում շատ անգամ իրեն տարածության մեջ կորցնող ալիևյան կլանին:
Ցանկանում եմ, որ 2016 թվականին ամեն ինչ խաղաղ ու հանգիստ լինի, իսկ մարդկանց սրտերում միայն ջերմություն տիրի: Սիրեք ու սիրված եղեք, քանզի Աստված սեր է…