Անսպասելի զարգացումներ ԱՆԻ ՄԱՋՆՈՒՆՅԱՆԻ սպանության գործով

2015թ. օգոստոսին սպանված էքստրասենս Անի Մաջնունյանի հագուստի վրա փորձաքննությամբ չի հայտնաբերվել նրա սպանության մեջ մեղադրվող Մուշեղ Մխիթարյանից որեւէ հետք: Այս մասինNEWS.am-ի հետ զրույում ասաց Մխիթարյանի պաշտպան Մարինե Ֆարմանյանը:

«Ոչ մի կերպ չի հաստատվում փաստը, որ Մուշեղը կպել է Անիին: Մուշեղից մատնահետք, ոչ մի հետք դիակի շորի վրա չի հաստատվել»,- ասաց փաստաբանը:

Փաստաբանը նշեց, որ դատարանը հունվարի 29-ին երկու ամսով երկարացրել է Մուշեղի  կալանքը: Դատարանը այդ որոշման հիմքում դրել է այն, որ Մուշեղի դեմ վկան ցուցմունք է տվել, նա ազատության մեջ կարող է խոչընդոտել գործի ընթացքին:

«Աննայի ցուցմունքների մի մասը բերել էին դատարան՝ այն էջերը, որոնցում Աննան գրել է՝  տեսել եմ, այո, Մուշեղը կատարել է սպանությունը: Աննան գրել է, որ ինքը վախենում է Մուշեղից, բայց քանի որ նա արդեն ազատության մեջ չէ, ինքը սրտապնդվում է ու հայտնում   ճշմարտությունը»,- ասաց փաստաբանը:

Փաստաբանը նշեց, որ Աննան պատմել է, որ Մուշեղը շահադիտական նպատակով է սպանել Մուշեղին. «Աննայի ասելով՝ Մուշեղը գիտեր, որ Անին գումար ունի, ուզել է գողանալ»:

Նշենք, որ Մուշեղը, որ զանգահարել էր NEWS.am-ի խմբագրություն, պնդում էր, որ Աննա Միսակյանին «վերբովկա» են արել ու իր դեմ են օգտագործում:

Ավելի վաղ տեղեկացրել էինք, որ 2015թ. օգոստոսի 5-ին Երեւանի Մազմանյան 5 շենքի թիվ 20 բնակարանում հայտնաբերվել է «6-րդ զգայարան» հաղորդաշարի էքստրասենս, 53-ամյա Անի Մաջնունյանի դին՝ բազմաթիվ ծակած-կտրած վնասվածքներով:

20-ամյա Մուշեղ Մխիթարյանին, մեղադրանք է առաջադրվել ՀՀ քրեական օրենսգրքի 104-րդ հոդվածի 2-րդ մասի 8-րդ կետով (սպանություն` զուգորդված ավազակությամբ): Նա կալանավորված է: