Ապագա նախագահացուների ուղղությամբ գրոհը չի՞ դադարում...

Քաղաքական դաշտում օր-օրի ավելանում են խորհրդավոր ու ոչ մի կերպ չմեկնաբանվող երևույթները: Վերջերս լրատվամիջոցները ակտիվ գրում էին Սեյրան Օհանյանի և նրա կնոջ` Ռուզաննա Խաչատրյանի մասին: Հրապարակումների թիվը կրճատվեց, երբ Պաշտպանության նախարարը քայլեր ձեռնարկեց:
Կար վարկած, որ դա արվում է Սեյրան Օհանյանին գալիք նախագահական ընտրություններում ՀՀ նախագահ տեսնելու հեռանկարից դրդված…

Նախագահացուների ցուցակում կա նաև ՀՀ նախագահի աշխատակազմի նախկին ղեկավար, ԱԺ ՀՀԿ-ական պատգամավոր Կարեն Կարապետյանի անունը: Դրան զուգահեռ լուրեր էին տարածվել, որ Կարեն Կարապետյանի եղբայրը ` Տաշիր գրուպի սեփականատեր Սամվել Կարապետյանը ցանկանում է գնել ՀԷՑ-ը :
Լուրերն արագ տարածում ստացան և վայրկյաններ անց սկսվեց իսկական քաոսը: Մեկը պնդում էր, որ հավանաբար դրա հետ է կապված հոսանքի թանկացումը, մյուսը` զրպարտում էր Ս. Կարապետյանին, թե ինչու է գնում ՀԷՑ-ը, թող իր Տաշիրով զբաղվի եւ այլն…
Սակայն հավանաբար ինչ-որ մեկն էլ, լուռ ու մունջ, առանց մյուսների նման աղմուկ- աղաղակ անելու, անցավ գործի…
Արդեն մի քանի օր է, ինչ ռուսաստանցի հայազգի միլիարդատեր Սամվել Կարապետյանը սպառնալիք է ստանում, թե կպայթեցվեն վերջինիս պատկանող սուպերմարկետները: Սակայն սպառնացողը չի նշում որևէ պահանջ : 
Lragir.am-ը հրապարակել էր մի նյութ, ըստ որի, զանգերը Ս. Կարապետյանին գալիս են Ուկրաինայից:

Ստեղծված իրավիճակի շուրջ, Fnews.am-ը կապ հաստատեց Ուկրաինայում Հայաստանի դեսպան Անդրանիկ Մանուկյանի հետ, ով հավանաբար ամենալավ կապերն ունի Ուկաինայում, պարզելու, թե արդյո՞ք նա կարող է օգնել որևէ կերպ պարզել, թե ո՞վ է սպառնում Սամվել Կարապետյանին և ի՞նչը կարող է պատճառ հանդիսանալ նման սպառնալիքների:
Սակայն մեր հարցերից Անդրանիկ Մանուկյանը խուսափեց, պատճառաբանելով, որ իր աներն է մահացել,  եւ ինքն էլ պատրաստվում է հոգեհանգստյան արարողության: 

Fnews.am-ը ցավակցում է Ա. Մանուկյանին, եւ հոսով է , որ երբ պարոն Մանուկյանը ազատվի իր անձնական հարցերից, կպատասխանի նաեւ մեզ հետաքրքրող հարցերին: 

Աննա  Առաքելյան