Ապօրինի ծառահատում Ախուրյանում

Նոյեմբերի 28-ին՝ ժամը 14:00-ին, ոստիկանության Ախուրյանի բաժնում Վահրամաբերդ գյուղի համայնքի ղեկավարից հաղորդում է ստացվել, որ նոյեմբերի 21-ից 25-ն ընկած ժամանակահատվածում ապօրինի հատել և գողացել են համայնքի վարչական տարածքում գտնվող 2 հացենի:

Վնասի չափը պարզվում է:

Ինչպես տեղեկացնում է Ոստիկանության լրատվական ծառայությունը, ձեռնարկված միջոցառումներով պարզվել է, որ գողությունը կատարել է 1953թ. ծնված Սամվել Մ.-ն:

Գողացված հացենիները` կտրտված վիճակում, հայտնաբերվել են:

Կատարվում է հետաքննություն: