Արա Աբրահամյանը «գայլերի» հետ կվերականգնի «արդարությունը»

Lragir.am-ը գրում է.
Տեղեկություն է տարածվել, որ Հայաստան են ժամանում ռուսական «Գիշերային գայլեր» անունը կրող բայքերական խմբավորման ներկայացուցիչները, որոնք մոտովազքով անցնելու են Երեւանով, լինելու են Ծիծեռնակաբերդի Եղեռնի զոհերի հուշահամալիրում, հետո այցելելու են Արցախ:

«Գիշերային գայլերին» Հայաստանի սահմանին դիմավորելու է Ռուսաստանի հայերի միությունը:

Պետք է ենթադրել, որ հենց միությունն էլ հղացել է «Գիշերային գայլերը» Հայաստան բերելու գաղափարը: Ասում են, թե նրանք մոտավազք են անցկացնում ցեղասպանության 100-րդ տարելիցի առիթով:

Ռուսաստանի հայերի միության նախագահը հայտնի Արա Աբրահամյանն է: Նրա ստեղծած այդ միությունը ավելի շատ ծառայում է Ռուսաստանի իշխանությանը, քան Ռուսաստանի հայերին եւ Հայաստանին: Արա Աբրահամյանը մի քանի ամիս առաջ ստացավ Ռուսաստանի իշխանությանը, նախագահ Պուտինին կից պաշտոններ: Ըստ երեւույթին Աբրահամյանը նոր պաշտոնում փորձում է դրսեւորվել նոր խանդավառությամբ եւ «Գիշերային գայլերի» հայաստանյան մոտովազքը դրա արգասիքն է: Առավել եւս, որ «գայլերը» վայելում են ՌԴ նախագահ Պուտինի ընկերությունն ու աջակցությունը եւ հանդիսանում են ռուսական մեծապետականության ոչ պաշտոնական դրոշակակիրներից եւ գաղափարակիրներից մեկը:

Ցեղասպանության 100-րդ տարելիցի միջոցառումները Հայաստանն անցկացրեց առանց ռուսական մեծապետականության հովանու: Ավելին, այդ միջոցառումները Հայաստանում դարձան մի շարք ուշագրավ, հետաքրքրական, փաստացի մտածողության, արժեքների եւ աշխարհընկալումների տեսանկյունից հեղափոխական իրադարձություններով:

Lragir.am