Արաբկիրցուն հարիր չէ հանցագործությունը.Հովհաննես Վարդանյան

2016 թվականին Արաբկիրում իրականացված աշխատանքերը վարչական շրջանի ղեկավար Հովհաննես Վարդանյանը գնահատում է բավարար և կատարված: Նա Fnews.am-ի հետ զրույցում անդրադարձել է վարչական շրջանում իր պաշտոնավարման ընթացքում իրականացված ծրագրերին և իր
նշանակման հետ կապված խոսակցություններին:

 -Պարոն Վարդանյան, 2016 թվականի մարտին Դուք նշանակվեցիք Արբակիր վարչական շրջանի ղեկավարի պաշտոնում: Ի՞նչ ժառանգություն եք ստացել Ձեր նախորդից և ի՞նչ աշխատաքներ ենք հասցրել իրականացնել այս ամիսների ընթացքում:

-2016 թվականի ծրագիրը, որը կազմվել էր դեռ 2015 թ-ին` կատարված է: Ես այն համարում եմ բավարար: Կոմունալ տնտեսության և բազմաբնակարան շենքերի կառավարման բնագավառում կատարվել են բարեկարգման աշխատանքեր: Իրականացվել են ասֆալտապատման և կանաչապատման աշխատանքեր, կատարվել է ոռոգման ցանցի, շքամուտքերի և տանիքների վերանորոգում: Հիմնանորոգվել են բակային տարածներն ու դրանք համալրվել են սպորտային խաղերով: Կատարվել են նաև 2 մանկապարտեզների, սպորտդպրոցների շինաշխատանքեր: Բացի այդ, իրականացվում են ծրագրեր, որոնք սկիզբ են դրվել դեռ նախորդ թաղապետերի պաշտոնավարման ժամանակ:

Օրինակ, մենք աջակցում են սոցիալապես անապահով ընտանիքներին` առողջական խնդիրների հետ կապված հարցերում. հատկացնում ենք պետպատվերով բուժման ուղեգրեր: Այդ ընտանքիների համար գործում է նաև բարեգործական ճաշարան, որտեղ ամեն օր սնվում են ի շուրջ 200 մարդ: Օգնում ենք անվճար իրավաբանական խորհրդատվությամբ, իսկ որոշ դեպքերում էլ, մեր իրավասության շրջանակում, պաշտպանվել է նաև նրանց շահերը դատական ատյաններում:
Զբաղվում ենք վարչական շրջանի տարածքում առանց ծնողական խնամքի մնացած երեխաների խնդրով, տեղափոխում նրանց խնամատար ընտանիքներ :
Համագործակցում ենք նաև մի շարք քույր քաղաքների հետ հանրապետությունում և արտասահմանում (Ֆրանսիայի Պլեսսի Ռոբինսոն, Սանկտ-Պետերբուրգ, Լոռի և ԼՂՀ):

-Ի՞նչ ծրագրեր կար, որ չհասցրեցիք ավարտել 2016-ին և ի՞նչ ծրագրեր ունեք, որոնք պատրաստվում եք կյանքի կոչել եկող տարիների ընթացքում :

-2017 թ-ի ծրագիրը քննարկման փուլում է, կարծում եմ մոտ օրերս այն կհասցնենք տրամբանական ավարտին... դեռ անելիքներ շատ-շատ կան և ոչ միայն եկող տարվա համար.
Դրանցից մեկն էլ «ԱլտերԷգո» նախագիծն է : «Գրին սմայլ» ընկերության հետ պայմանագրով նախատեսում ենք «Արաբկիր» զբոսայգին (մալականի այգի) վերածել հանգստյան գոտու: Տեղանքը թույլ է տալիս նաև կառուցել Զիփ-Լայն ճոպանուղի` էքստրիմի սիրահարների համար, որը կնպաստի նաև տուրիզմի զարգացմանը: Այս ծրագրի նախատիպը կա Տավուշում` Ենոքավանում, բայց այս մեկը կգերազանցի իր երկարությամբ:
Տարածքը համապատասխանեցված է լինելու հաշմանդամություն ունեցողներին:
Բայց սա փուլային ծրագիր է և ժամանակ է պահանջում: Արդեն եկող տարվա գարնանը կսկենք աշխատանքերը :

-Քանի որ քաղաքացիական հանրությունում համատիրությունը բնակչին ամենամոտ կանգնած ինքնակառավարման օղակն է, համագործակցո՞ւմ եք այդ օղակի հետ. ինչպե՞ս եք գնահատում այդ աշխատանքը, և որքանո՞վ եք ծանոթ Ձեր վարչական շրջանի խնդիրներին :

-Համատիրությունների հետ համագործակցությունը չէի ասի, որ լավագույնն է, բայց բավարար կարող եմ համարել, որովհետև լավ, թե վատ ստացվում է... բայց այստեղ անելիքներ դեռ շատ-շատ կան: Ինչ վերաբերում է վարչական շրջանի խնդիրներին, ապա մենք քիչ ենք, բնակչությունը շատ. Ես միայն ուրախ կլինեմ, եթե բնակիչները տեղեկացնեն մեզ խնդիրների մասին, պետք է ահազանգեն. բնակիչների ահազանգով ցանկացած բարձրացված հարց տեղում լուծում է ստանում. Հնարավոր է խնդիրը հիմնովին լուծում չստանա, բայց գոնե ինչ-որ չափով աշխատում ենք մեղմել խնդիրը: Ասում եմ ինչ-որ չափով, քանի որ խնդիրները շատ են, հնարավորությունները` քիչ:

-Եթե հնարավորությունները չեն ներում, ուրեմն պետք է նստել «ձեռքերը ծալա՞ծ» և հայտարարել, որ չկան միջոցնե՞ր :

-Իհարկե ոչ... հասկանալով երկրի ընդհանուր վիճակը, փորձում ենք չսահմանափակվել ու անել ավելին: Այսօր ուենենք այն, ինչ ունենք, բայց ձեռքներս ծալած չենք նստում... արդեն տեսնում ենք երկրում համակարգային փոփոխություների ալիքը և կարծում եմ այնպես կլինի, որ յուրաքանչյուրս մեր տեղում անենք այն, ինչ կարող ենք:

-Կարծում եք համակարգային փոփոխությունները դրական տեղաշա՞րժ կարձանագրեն:

-Այո, ես` ինչպես դաշնակցությունը, ուզում եմ հավատալ, որ դրական փոփոխություններ կլինեն: Ի վերջո, սա ժողովրդին հավատ է ներշնչում, կվերականգնվի նաև ժողովրդի վստահությունը:

-Ձեր թեկնածությունն առաջադրվել է դաշնակցության (ՀՅԴ) կողմից. այսօր ձեր ծրագրերն իրականացնելիս ՀՅԴ-ից աջակցությունը ստանո՞ւմ եք:

-Միանշանակ, իհարկե... լուրջ կուսակցություն է, լուրջ թիմ. Միշտ թիմը վարչական շրջանի ու բնակչության կողքին է: Շատ խնդիրներ են լուծում ստացել ու դեռ շատ հարցեր կան, որոնք լուծման փուլում են: Ամեն դեպքում աշխատու ենք թափանցիկ և կառուցողական:

-Կարե՞լի է ասել, որ ՀՅԴ-ն չի սխալվել իր ընտրության մեջ:
-Կարծում եմ այդ հարցը իրենց պետք է ուղղել :

-Իսկ դո՞ւք ինչպես եք գնահատում Ձեր աշխատանքը:

-Ես իմ աշխատնքերը չեմ սիրում գնահատել, թող ժողովուրդը գնահատի, ու եթե հիշատակում եք դաշնակցությանը` նաև իրենք...

-Ձեր նշանակման առաջին օրերին լուրեր էին շրջանառվում, որ հատկապես նախորդ տարվա դեկտեմբերից Արաբկիրում հանցագործությունների թիվը աճել է և Ձեզ նշանակում են վարչական շրջանի ղեկավար, որպեսզի դուք «կանխեք» այդ աճը :

-(ժպտում է) դրանք ընդամենը խոսակցություններ են. Ես ծնվել և ապրում եմ Արաբկիրում, իմ զավակները նույպես այստեղ են ապրում, եթե Արաբկիրում հանցագործությունների թիվը մեծ լիներ` ես կլինեի առաջիններից մեկը, ով կպայքարեր դրա դեմ, բայց նման բան չկա. Այստեղ հիմնականում մտավորական խավն է, և արաբկիրցուն հարիր չէ հանցագործությունը: Դրանք պարզապես չարամտորեն արված խոսակցություններ են...

Ա.Սահակյան 

Հ.Գ.Հաջորդիվ կներկայացնենք Արաբկիրում անցկացված հարցումների պատկերը՝ Հովհաննես Վարդանյանի գործունեության հետ կապված: