Առաջին անգամ կայացավ ծննդկանի մահվան փորձաքննությունը

«Շենգավիթ» բժշկական կենտրոնից հուլիսի 27-ին «Էրեբունի» ԲԿ տեղափոխված եւ երկու օր անց մահացած Մերի Մարգարյանի գործով հանձնաժողովային դատաբժշկական փորձաքննության առաջին նիստը այսօր կայացել է: Այս մասին Fnews.am-ի հետ զրույցում ասաց Մերի Մարգարյանի իրավահաջորդի փաստաբան Մարինե Թովմասյանը: Նա տեղեկացրեց, որ իրենք իրենց հուզող հետաքրքրող հարցադրումները ներկայացրել են հանձնաժողովի անդամներին:«Մեզ հնարավորություն ընձեռվեց հարցեր տալու և մենք հետաքրքրվեցինք թե մերիի և երեխայի կյանքը փրկելու համար ինչ քայլեր են ձեռնարկվել: Ինձ և Մերիի ընտանիքին հետաքրքրում է ինչու կեսարյան հատում չեն արել»,-ասաց Թովմասյանը; 

Նա ասաց նաև, որ փորձագետները իրենցից հետաքրքրվել են, Մերի Մարգարյանի առողջական վիճակի մասին. «Դեռ որոշ ժամանակ փորձաքննությունը կշարունակվի, մենք ևս կմասնակցենք ևմեր հարցերի պատասխանները կստանանք»:
Ավելի վաղ տեղեկացրել էինք, որ հանձնաժողովը բաղկացած է 15 հոգուց:

Հիշեցնենք, որ Մերի Մարգարյանի հարազատները կատարվածի մեջ մեղադրում են հենց «Շենգավիթ» բժշկական կենտրոնի բժշկուհի Շուշանիկ Բախշյանին, ում մոտ էլ հաշվառված է եղել 26-ամյա կինը: Մերի Մարգարյանի եղբոր պատմելով՝ քույրը 4 օր շարունակ բարձր ջերմություն է ունեցել, սակայն բժշկուհին հրաժարվել է հոսպիտալացնել: Հարազատները նրան տեղափոխել են «Էրեբունի» ԲԿ, որտեղ անմիջապես կեսարյան հատում են արել: Հուլիսի 29-ին նա մահացել է, իսկ հուլիսի 30-ին կեսօրին մահացել է նաեւ ծննդկանի նորածին դուստրը:Դեպքի առթիվ օգոստոսի 3-ին հարուցվել է քրեական գործ` ՀՀ քրեական օրենսգրքի 130-րդ հոդվածի 2-րդ մասի հատկանիշներով: Ըստ Քննչական կոմիտեի տարածած հաղորդագրության՝ «Շենգավիթ» ԲԿ-ի բժշկուհի Շուշանիկ Բախշյանը ցուցաբերել է անբարեխիղճ վերաբերմունք, ինչի հետեւանքով հղիության 35-րդ շաբաթում գտնվող Մերի Մարգարյանը մահացել է: