Առաքել Մովսիսյանը՝ Շմայսը, առաջնագիծ է մեկնել իր հարազատ եղբոր ու եղբոր որդու հետ միասին

Հայ-ադրբեջանական սահմանագծի ռազմական իրավիճակն այս օրերին հայ քաղաքական գործիչներից, պաշտոնյաներից շատերին տարել է Լեռնային Ղարաբաղ: Սահման մեկնողների մեջ առաջիններից էր նաեւ ԱԺ ՀՀԿ-ական պատգամավոր Առաքել Մովսիսյանը, ով որոշ տեղեկությունների համաձայն իր ջոկատով մեկնել էր Քարվաճառ: Ներկա պահին էլ նույն Մովսիսյանը՝ իր ջոկատով, իր տղաների ու իր թիմի հետ միասին, շարունակում է իր առաքելությունը կատարել՝ հանուն հայրենիքի...
Ավելին, պատգամավոր Մովսիսյանը, նույն ինքը՝ Շմայսը, առաջնագիծ է մեկնել  իր հարազատ եղբոր ու եղբոր որդու հետ միասին: Նրանք ամեն կերպ փորձում են սատար կանգնել սահմանն  արթուն պահող մեր քաջորդիներին: Իսկապես գնահատել է պետք նույն Մովսիսյանի ու նրա հարազատների բոլոր ժամանակներում դրսեուորած կեցվածքն ու նվիրվածությանը ՝ պետությանն ու հայրնեիքին:

Այդ նույն սահմանին արթուն կանգնած մեր զինվորների ծնողներն էին անգամ ոգեւորվել ու գոտեպնդվել, որ ե՛ւ Մովսիսյանը, ե՛ւ Արկադի Տեր-Թադեւոսյանը, եւ բանակի բովով անցած հերոսական կերպարները, այդ թվում նաեւ հայոց բանակի պրոֆեսիոնալ հրամկազմը ամուր կանգնած է մեր զինվորի թիկունքին: Այսքանից հետո դժվար է պատկերացնել, թե ինչպես կարելի է շահարկել մարդկանց անունները՝ անհիմն  տեղեկատվություն «խաղացնելով», թե մարդիկ առաջնագծում չեն եղել: Ամո'թ է, այդ անհիմն տեղեկությունները սփռողները առնվազն թշնամու ջրաղացին են ջուր լցնում, ոչ ավելին:

Մինչդեռ բոլորը գիտեն, որ հայի հաղթանակը ՝իր միասնական լինելու ուժի մեջ է: Պետք չէ սադրանքների ու խեղաթյուրված լուրերի հարթակում կռիվ տալ, եւ փորձել՝ ինքնափիառվել ու ինքահաստատվել: Բոլորն էլ տեսնում են, հասկանում են, իրարից տարբերում են, նույնիսկ կարելի է ասել կռահում ` թե ում ՁԵՌԱԳԻՐԸ կարող էր աշխատել նման իրավիճակներում: Ինքան էլ որ իրավիճակ խեղաթյուրեն, ու փորձեն կեղտոտ ձեռքերով աշխատել, միեւնույն է հայ ժողովուրդը կարողանում է ճանաչել` իր հերոսներին էլ, դավաճաններին էլ: Իսկ  նույն Մովսիսյանի՝ Շամյսի դեպքում կասեմ հետեւյալը. նա հստակ պետականամետ ու երկիրը սիրող, չդավաճանող տեսակ է, եւ դրանում նույն հանրությունը համոզվել է բազում անգամներ:Նա երբեք շողոքորթ դիմակի տակ չի մտել, ու իր սեփական բարեկեցության համար երբեք ոչինչ չի խաղարկել: Հստակ կանգնել է երկրի ու բարձրագույն իշխանության կողքին: Այնպես, որ հերթական  «մուտիլովկան»  հակառակ էֆեկտն ապահովեց: 

Հ.Գ 

Առհասարակ՝ փաստերն  առավել քան խոսուն են:

Press Press