«Արարատ 73» ֆուտբոլային թիմի հաղթանակների հոբելյանը կմեկնարկի վաղը

Հոկտեմբերի 6-ին Արագածոտնի մարզի Ագարակ համայնքում մեծ շուքով կնշվի «Արարատ 73» ֆուտբոլային թիմի հաղթանակների հոբելյանական 40-րդ տարին: Նախաձեռնության հեղինակը ռուսաստանաբնակ բարերար Հրաչյա Պողոսյանն է, միջոցառումն իրականացվում է սպորտի և երիտասարդության հարցերի նախարար Յուրի Վարդանյանի աջակցությամբ: Ժամը 12-ին մայրաքաղաքի Հանրապետության հրապարակում լեգենդար ֆուտբոլիստները կհանդիպեն երկրպագուների հետ, իսկ 13:00-ին գեղեցիկ զարդարված ավտոբուսով մի քանի պտույտ կկատարեն մայրաքաղաքի փողոցներով եւ կուղեւորվեն Ագարակ: Ժամը 14:00-ին Ագարակի կենտրոնում նախատեսված համերգային միջոցառմանը կմեծարվեն լեգենդար ֆուտբոլիստները, ժամը 15:30-ին տեղի կունենա «Արարատ 73»-ի պատմական հաղթանակը խորհրդանշող հուշարձանի բացման արարողությունը: