ԱՐՑԱԽՈՒՄ ՔՆՆԱՐԿՎՈՒՄ Է ԱՐՏԱԿԱՐԳ ԻՐԱՎԻՃԱԿ ՄՏՑՆԵԼՈՒ ՀԱՐՑԸ

Արցախում եւս այս օրերին նկատվում է կորոնավիրուսի ակտիվ աճ: Արցախցիների քանի՞ տոկոսն է պատվաստվել, ի՞նչ իրավիճակ է կորոնավիրուսային առումով, ի՞նչ նոր խստացումներ են սպասվում հակահամաճարակային իրավիճակը մեղմելուն ուղղված, «Իրավունքը» հետաքրքրվեց ԱՀ առողջապահության նախարար ՄԻՔԱՅԵԼ ՀԱՅՐԻՅԱՆԻՑ, ով ներկայացրեց հետեւյալ մտահոգիչ իրավիճակը.

- Թվերը շատ մտահոգիչ են: Ձեռարկելու ենք բավականին խիստ միջոցառումներ, որպեսզի համատեղ ուժերով կարողանանք կանխել, կոտրել վիրուսի տարածման շղթան: Այս աղետի կանխման միակ ճանապարհը պատվաստվածների թվի ավելացումն է, որովհետեւ վիճակը շատ լուրջ է: Բժիշկները 24-ժամյա ռեժիմով ակտիվ աշխատում են, բայց քաղաքացիների գիտակցությունը դեռ չի հասել այն վիճակին, որ վիրուսը չի խնայում: Պետք է ամեն ինչ անել, որպեսզի ոչ թե մտածենք հիվանդանոցային ռեսուրսները ընդլայնելու, այլ՝ քաղաքացիների հոսքը դեպի հիվանդանոց նվազեցնելու ուղղությամբ:

- Օրական քանի՞ հիվանդ եք ընդունում:

- Վիճակագրությունը, անկեղծ ասած, գեոմետրիկ պրոգրեսիայով աճում է, այդ իսկ պատճառով էլ քննարկվում է անգամ արտակարգ վիճակ մտցնելու հարցը: Մինչեւ նոյեմբերի 1-ը մենք արձանագրել ենք 27 մահացության դեպք, որից տասը հոկտեմբեր ամսին է եղել: Այսինքն, մենք միայն հոկտեմբեր ամսին ունեցել ենք կորոնավիրուսով վարակվելու կրկնակի աճ:

- Այս պահին կորոնավիրուսով վարակված քանի՞ հիվանդ ունեք:

- Ունենք 958 վարակված, որից 45-ը երեխաներ են: Խնդրում եմ ուշադրություն դարձնեք, որ խոսքը փաստացի գրանցված հիվանդների մասին է:

Ուշագրավ մանրամասները՝Iravunk.com-ում: