Արդեն 7-րդ տարին է, ինչ Օբաման անտեսում է իր նախընտրական քարոզարշավի խոստումը

ԱՄՆ Հարավային Կալիֆոռնիայի ուսանողական թերթը՝ Daily Trojan-ը, անդրադարձել է Հայոց ցեղասպանությանը: Հոդվածագիրը մասնավորապես նշել է, որ ԱՄՆ-ի՝ Հայոց ցեղասպանության չճանաչումը բաց թողնված հնարավորություն էր:

«Ապրիլի 24-ին նախագահ Բարաք Օբաման նշեց Օսմանյան Կայսրության կողմից 1.5 միլիոն հայերի սիստեմատիկ սպանությունների 100-րդ տարելիցը: Աշխարհի այլ առաջնորդների նման Օբաման էլ զերծ մնաց այս ողբերգությունը ցեղասպանություն անվանելուց: Արդեն 7-րդ տարին է, ինչ Օբաման անտեսում է իր նախընտրական քարոզարշավի խոստումը:

Դեպքերի ճանաչումը լարվածություն կմտցներ ԱՄՆ-Թուրքիա հարաբերություններում՝ վնաս հասցնելով ԱՄՆ-ին՝ քաղաքական, տնտեսական և անվտանգության առումներով:

Ճանաչումը կարևոր քայլ է և կարող է օգնել ապագայում գործողությունների որոշման հարցում: Այս դեպքում, 1915 թվականի վայրագությունները որպես ցեղասպանություն ճանաչելը պատասխանատվություն է ենթադրում, ինչպես նաև ապահովում է ողբերգության իրականության երկար սպասված ընդունումը:

Հայոց ցեղասպանության 100-րդ տարելիցը հնարավություն էր ԱՄՆ-ի համար ճանաչել ոչ միայն այն համայնքի ցանկությունները, որը կորցրել է իր անցամներին, այլ նաև ընդունել իր անգործության սխալները: Սա ցեղասպանությունների մասին իրազեկվածությունը տարածելու և այդ հանցագործություններին վերջ տալու հնարավորություն էր:

Փոխարենը, ցեղասպանության ճանաչման ձախողումը բաց թողնված հնարավորություն էր», - նշվում է հոդվածում: