Արդյո՞ք դուք էլ կարող եք օգտվել սոցիալական փաթեթից

Համաձայն ՀՀ կառավարության N 1691-Ն որոշման` սոցիալական փաթեթից օգտվելու իրավունք ունեն պետական մարմինների,կրթության, մշակույթի, սոցիալական պաշտպանության և գիտության ոլորտների պետական կազմակերպությունների աշխատակիցները, ինչպես նաև սոցիալական փաթեթի շահառուները:

Պետական մարմիններն են`

• Հայաստանի Հանրապետության Նախագահի աշխատակազմում.
• Հայաստանի Հանրապետության Ազգային ժողովի աշխատակազմում.
• Հայաստանի Հանրապետության կառավարության աշխատակազմում.
• Հայաստանի Հանրապետության սահմանադրական դատարանի աշխատակազմում.
• Հայաստանի Հանրապետության նախարարությունների աշխատակազմերում.
• Հայաստանի Հանրապետության կառավարությանն առընթեր պետական կառավարման մարմինների աշխատակազմերում.
• Հայաստանի Հանրապետության օրենքներով ստեղծված մշտապես գործող մարմինների (հանձնաժողովների, ծառայությունների, խորհուրդների) աշխատակազմերում.
• Ազգային անվտանգության խորհրդի աշխատակազմում.
• Հայաստանի Հանրապետության դատական դեպարտամենտում.
• Հայաստանի Հանրապետության դատախազության աշխատակազմում.
• Հայաստանի Հանրապետության նախարարությունների կառավարման ոլորտում գործող պետական մարմինների աշխատակազմերում.
• Հայաստանի Հանրապետության մարզպետարանների աշխատակազմերում.
• Հայաստանի Հանրապետության մարդու իրավունքների պաշտպանի աշխատակազմում։

Կրթության, մշակույթի, սոցիալական պաշտպանության և գիտության ոլորտների պետական կազմակերպություններ ներառում է հետևյալ պետական ոչ առևտրային կազմակերպությունները`

ա. հանրակրթական դպրոցներ,

բ. հատուկ հանրակրթական դպրոցներ,

գ. նախնական մասնագիտական ուսումնական հաստատություններ,

դ. գրադարաններ,

ե. թանգարաններ,

զ. մշակույթի տներ, կենտրոններ,

է. թատրոններ,

ը. համերգային կազմակերպություններ,

թ. տարեցների տուն-ինտերնատներ,

ժ. երեխաների տուն-ինտերնատներ,

Ամբողջական ցանկին կարող եք ծանոթանալ ՀՀ կառավարության N 1691-Ն որոշման N1 հավելվածով:

Իրավաբան.net