Առեղծվածային մա՞հ, թե՞ ինքնասպանություն

Ինքնասպանություն էր, թե՞ պատվիրված սպանություն: Գեորգի Կուտոյանի մահն իսկապես ցնցեց հայ ժողովրդին, ինչու՞ չէ, նաև սփյուռքահայությանը: Երիտասարդ, դեռ 39 տարին չբոլորած, կիրթ, լուրջ, հավասարակշռված ու խորը մի անձնավորություն, օրենքի ամեն մի կետն ու տառը պահպանող, պետականամետ զինվոր էր Հայաստանի Հանրապետությանը: Նա գնաց՝ թողնելով իր փոքրիկ երեխային, հոր կարոտի բաղձանքով, ընտանիքին, ծնողներին՝ վշտի ու դառը կսկիծի մեջ: Այսօր հասարակությունը հերթական ծանր և ահասարսուռ դեպքից նորից ցնցված է, զայրացած՝ չունենալով այդ «ինչո՞ւ և ինչի՞ համար» պատասխանները:

Նա հեռացավ՝ իր հետ տանելով մի գաղտնիք/ներ/, ինչը կարծում եմ, ոչ էլ հետագայում կբացահայտվի և մի աշխատանքային գեղեցիկ օր համապատասխան քննչական մարմինների կողմից, որոնք զբաղվում են գործի քննությամբ, հանդես կգան հրապարակային մի հայտարարությամբ՝ «Ինքնասպանություն»: Եվ այդ գրչի մի երանգով էլ կփակվի գործը: Այս թիրախավորված առեղծվածային պաշտոնյանների սպանությունները, որոնք քողարկվում են, երբեմն, ինքնասպանության ներքո, ինչպիսիք են Հայկ Հարությունյանը, Աշոտ Կարապետյանը, հիմա էլ՝ Գեորգի Կուտոյանը, մնում են անհասկանալի ու չբացահայտված: Եվ եթե այսօր նախկին ԱԱԾ-ի պետին կամ վերոգրված պաշտոնյաններին են սպանում կամ եթե կարելի է անվանել ինքնասպանության են հասցնում, արդյոք մենք՝ ՀՀ քաղաքացիներս, պաշտպանվա՞ծ ենք անվտանգությունից:

Արկադի Ալեքյան Նախկին իշխանության օրոք աշխատած պաշտոնյանների սպանությունները, այժմյան թավշյա հեղափոխություն կատարած իշխանության ժամանակաշրջանում, կարելի է համարել պետական գաղտնիքի կոծկում, ովքեր լիովին տիրապետում էին դրանց, կամ կարևոր փաստաթղթերի վերացում, ովքեր քաջ իրազեկ էին դրանց իսկության մասին և որոնց մասնակիցն էին եղել: Կարդացեք նաև Անթույլատրելի է Վիկիլիքսի տվյալները քրեական գործի հիմքում դնելու հանգամանքը. «Այլընտրանքային նախագծեր» «Ես նրա տեղը լինեի…» Տղամարդը հակի թելով խեղդամահ էր արել կնոջը, ապա դանակով կտրել թելը՝ հետագայում իրավապահներին մոլորեցնելու համար Իսկ ինչու՞մն են թաքնված այդ գաղտնիքները. Միգուցե 2016թ.-ի ապրիլի 2- 5-ը տեղի ունեցած քառօրյա պատերա՞զմն է, կամ չլինի՞ 2008թ.-ի Մարտի 1-ի հանրահավաքն է: Եվ վերջապես, ինչո՞ւ էին օրեր առաջ Լոնդոնից ետ կանչում Գեորգի Կուտոյանին…

Այն, որ ամենաթողությունն ու վայրագությունը արդեն տիրում է երկրում, դա նկատելի է: Այն, որ նախկին ԱԱԾ պետին կարելի է գաղտնալսել, դա փաստ է, այն, որ ատելության մթնոլորտը, քաոսային իրավիճակը հասարակության մեջ սերմանվում է, դա ակներև է: Այսպես շարունակվելով՝ չարությունն ու անհավասարակշիռ իրավիճակը կկլանի մարդկանց, ինչպես նաև բացասական ազդեցություն է թողնում հասարակության, մասնավորապես՝ երիտասարդության վրա, տանելով շփոթության: Այսօր ԱԱԾ-ն դարձել է որոշ անձանց համար գրեթե բաց և հասանելի, ինչը նախկին իշխանության օրոք այդպես չէր: Կարծում եմ պետք է այս լուրջ կառույցի ներսում առողջացնել խաթարված մթնոլորտը, և այն երբեք չբերել քաղաքականության դաշտ, չէ՞ որ ԱԱԾ-ն է նույնականացվում հենց պետության հետ: Եվ չի բացառվում, որ այս դանդաղ ընթացող մահաբեր գնացքը մի օր էլ նորից կանգ կառնի՝ կրկին իր հետ տանելով հաջորդ զոհին: Եվ կրկին թողնելով որբացած մի երեխայի: Եվ ի վերջո, մինչև ե՞րբ կամ ինչի՞ համար… Կանգ առե՛ք, վերջ տվե՛ք այս աններելի վայրագությանը՝ մարդկանց կյանքերը խլելով:

Արկադի ԱԼԵՔՅԱՆ

գերմաներեն լեզվի դասախոս