Արգամիչի Բագրատը Սգո Սրահ չի՞ կառուցում

ԱՍԵԿՈՍԵ

ՀՀ նախկին վարչապետ Հովիկ Աբրահամյանի բոլոր ժամանակների «աջ ձեռք» համարվող Բագրատ Բարսեղյանը համաձայն չէ, պտտվող այն խոսակցությունների հետ, որ ինքը պատրաստվում է Արգամիչի ծննդավայր Մխչյանում սգո սրահ կառուցել:
Նկատենք, որ վերջին շրջանում ակտիվ լուրեր են շրջանառվում այն մասին, որ Բագրատ Բարսեղյանը գնել է Մխչյանում Արագմիչին պատկանող առևտրի կենտրոններից մեկը, որն ըստ մարզում տարածված լուրերի մոտ ժամանակներս վերածվելու է սգո սրահի:
Խիստ զարմանալի է՝ ինչպես է պետական աշխատավարձով ապրող Արգամիչի օգնականը կարողացել այդքան գումար հավաքել, խնայել, ու հիմա էլ մտածել ներդրումներ անելու մասին, այն դեպքում, երբ իր «շեֆը» դրսում է նախընտրում ներդրումներ անել, իսկ ահա Բագրատը հավանաբար հայրենասիրությունից դրդված՝ իր հեռահար ծրագրերը կապում է միմիայն Հայաստանի ու Արգամիչի ծննդավայր՝ Մխչյանի հետ:

Այս հարցի պատասխանը հստակեցնելու համար Fnews.am-ը հեռախոսակապ հաստատեց Բագրատ Բարսեղյանի հետ: Վերջինս մեզ հետ զրույցում փորձեց հավաստիացնել, որ վերոնշյալ լուրերն իրականությանը չեն համապատասխանում, ավելին, նա նշեց, որ ինքը չի գնել Մխչյանի առևտրի շենքը և չի պատրաստվում սգո սրահ հիմնել։

Հ.Գ
Նկատենք, որ մամուլը քանիցս խոսել է այն մասին, որ Բագրատ Բարսեղյանի անունը սերտորեն կապված է բիզնես ոլորտի հետ, բացի այդ՝ նա ջերմ հարաբերություններ ունի որոշ քրեական հեղինակությունների հետ, ինչը կարող էր  հնարավորությունների նոր դաշտ բացել Բագրատ Բարսեղյանի համար՝բիզնես ոլորտում հաջողությունների հասնելու առուոմվ: Նա ժամանակին իրականացրել է Արգամիչի բոլոր կարևորագույն "հանձնարարականները"։ Ինչպես ասում են՝ կյանքն աստիճան է․ այսօր մեկը բարձրանում է, իսկ վաղը կարող է իջնել և, իհարկե, ընդհակառակը․ վերջին շրջանում մամուլը փաստում է՝ ՀՀԿ-ից առանձնացած վտակ Հովիկ Աբրահամյանը կարծես թե հետընթաց է ապրում, իսկ ահա Բագրատ Բարսեղյանին կարծես թե բարգավաճում է սպասվում…