Արգամիչը աչք է դրել Յուվեցի Կարոյի սեփականության վրա՞

Շրջանառվող լուրերի համաձայն, վերջին ժամանակներս խիստ լարվել են ՀՀ վարչապետ Հովիկ Աբրահամյանի ու Արարատի մարզի մեկ այլ կարկառուն ներկայացուցիչ Կարո Կարապետյանի` Յուվեցի Կարոյի հարաբերությունները: Բացի այն որ այս երկու պերսոնը ժամանակ առ ժամանակ հին ու նոր անցած-գնացած պատմությունների պատճառով սկում են իրար հետ հաշիվներ պարզել, հիմա էլ Յուվեցի Կարոյի շրջապատում ակտիվ լուրեր են շրջանառվում այն մասին, որ Արգամիչը աչք է դրել Կարոյի սեփականություն հանդիսացող գինու գործարանի վրա, որը Յուվեցին ժառանգություն է ստացել իր հորից: Ի դեպ խոսվում է այն մասին, որ երբեմն-երբեմն Կարոյին իր տեղն է ցույց տալիս Արգամիչի եղբայրր` Ջոնիկ Աբրահամայնը, ումից Յուվեցին ասում են իսկապես «քաշվում» է, եւ ամեն կերպ փորձում է Ջոնիկի հետ առճակատման չգնալ: Չնայած, որ մեզ հասած տեղեկությունների համաձայն, առաջին իսկ առճակատման դեպքում, երկու կողմից էլ, կոմպրոմատների պակաս չի զգացվի: Ավելին, ասում են, եթե բանը հասնի տղայական մակարդակի խոսակցությունների, ապա եւ Յուվեցին եւ Ջոնիկը իրար հետ «ռազբորկա» անելու լուրջ թեմաներ ունեն:

Նոնա  Ադամյան