Արգամիչը մարշուտնու բիզնեսա դրել` գյուղացիների հաշվին

Պարզվում է ՀՀ վարչապետ Հովիկ Աբրահամյանը ոչ միայն լոլիկի բիզնեսով է զբաղվում, այլև բավականին լուրջ հետաքրքություններ ունի տրանսպորտային ոլորտից ստացվող շահույթների ու եկամուտների նկատմամբ: Բա մարդ մի կողմնակի եկամուտ չունենա՞... Ինչեւէ, արդեն մի քանի ամիս է Մասիս քաղաքի Մարմարաշեն գյուղի բնակիչները լցնում են կոնկրետ մարդկանց գրպանները, եւ ասում են , որ Արգամիչի գրպանները: Բանն այն է , որ Մասիսի Մարմարաշեն գյուղի 38 համարի միկրոավտոբուսը 100 դրամ ուղեվարձով գյուղից հասնում էր մինչև Նոր Նորքի 2-րդ զանգված: Գոհ էին բոլորը . ուսանողներն էլ հանգիստ դասի էին գնում: Սակայն, իմ լավատեղյակ ախպերները տեղեացնում են, որ Արգամիչի 44 համարի գազելն էլ, ինչ խոսք, լավ էր աշխատում, 3 րոպեն մեկ, և Արգավանդից հասնում էր Նոր Կյուրի գյուղ, բայց 38-ն ավելի շատ ուղևորներ ուներ, քանի որ կենտրոն էր գնում, ինչն էլ, հավանաբար ցավ էր պատճառում Արգամիչին: Ախր ոնց կլինի, ուրիշի 38-ը իրա 44-ին տա անցնի: Եվ լոլիկի բիզնեսը մի պահ մոռացության տալով ` Արգամիչն անցավ նոր ու փողաշատ գաղափարի իրագործմանը: Եվ պայծառամիտք Արգամիչը շատ կարճ ժամանակահատվածում ստպիեց 38-ին ` իր կյանքի պատմությունից ջնջել Մարմարաշենի լիքը կանգառները եվ դրա փոխարեն մեծ-մեծ թվերով ամրագրեց 44-ը: Այժմ 44-ը Արգավանդից հասնում է Մարմարաշեն: Ուսանողները դժվարանում են 2 տրանսպորտ փոխել ` դասի գնալու համար, և ժամանակն է իզուր անցնում, և գումար են ավել ծախսում:
Կարճ ասած՝ Արգամիչի տրանսպորտային բիզնեսը լավ փող է աշխատում։ Այն սպասարկում է Արգավանդ- Մարմարաշեն երթուղին։ Սակայն գյուղի բնակիչներն ասում են, որ գազելը երկար ճանապարհ գնալու համար հարմար չէ, ավտոբուսներն ավելի հարմար էին։
Համ էլ քաղաքի կենտրոնական հատված էր գնում ` անցնում ԵՊՀ_ի մոտով: Իսկ հիմա ստիպված ուսանողները ավելի շուտ են տանից դուրս գալիս, այնքան էլ ուշ են հասնում տեղ, որ ճանապարհից հոգնում են: Որ դասախոսին է պետք հոգնած ուսանողը: Կամ թող 44-ը գնա կենտրոն, կամ էլ հետ բերեն էտ մարդկանց 38-ը:

Մանան Հովնանյան