Արգամիչը խոստովանեց մեղքը

Այսօր կառավարության նիստի վերջում վարչապետ Հովիկ Աբրահամյանը նշեց, որ հանձնարարական է տվել կառավարության մամուլի ծառայության ղեկավարին, կառավարության տեղեկատվության բաժնի ղեկավար Տիգրան Աբրահամյանին, որովհետև ըստ վարչապետի, կառավարությունն ունի բաց, որի մասին միշտ խոսվել է:

«Օրեր առաջ ԱԺ-ում կառավարությունը ներկայացնում էր օրենք եկամտահարկի մասին, և այն, ինչ օրենքում գրված էր, դրա մասին պատգամավորների մի մասը չէր խոսում, խոսում էին կարծես թե այլ նախագծի մասին: Ես դա կապում եմ երկու խնդրի հետ, առաջինը՝ մենք վատ ենք ներկայացնում օրենքները , և երկրորդը՝ տվյալ պատգամավորը ծանոթ չէ օրենք նախագծին և չի հասցրել կարդալ: Բայց պատասխանատվությունը ես վերցնում եմ կառավարության վրա: Մենք պետք է այնպես ճիշտ բաց ու թափնցիկ ներկայացնենք, որ պատգամավորներն ընկալեն»,- ասաց Հովիկ Աբրահամյանը:

Նա հորդորեց բոլոր նախարարներին ու փոխնախարարներին, ովքեր գնում են ԱԺ ներկայացնելու օրենքները , լինեն ուշադիր այդ հարցում: Հովիկ Աբրահամյանը նշեց նաև, որ ցանկանում է ավելի արդյունավետ հիմքերի վրա դնել համագործակցությունը ԱԺ հետ :Նա դիմեց կառավարության աշխատակազմի ղեկավար նախարար Դավիթ Հարությունյանին, ասելով, որ ԱԺ արտահերթ նիստերը, որոնք հրավիրում Է կառավարությունը, այդտեղ բաց կա, որ պատգամավորներին ուշ են ուղարկում նախագծերը, և պատգամավորները չեն հասցնում ծանոթանալ դրանց:

«Հանձնարարում եմ ուշադիր լինել, և պատգամավորներին գոնե մեկ շաբաթ առաջ ուղարկել օրենքները, որ Նրանք ժամանակ ունենան ծանոթանալու : Ճիշտ է մենք ունենք հրատապ հարցեր, խնդիրներ, բայց դա ավելկորդ խոսակցությունների ու խնդիրների տեղիք են տալիս, ուրեմն խնդրում եմ, որ ուշադիր լինեք»,- ասաց վարչապետը:

Խոսքը վերաբերվում է հանրության շրջանում «խոպանչիների մասին» անունը ստացած օրենքին, որը ներկայացնում էր Ֆինանսների փոխնախարար Վախթանգ Միրումյանը: