«ԱրմենՏել»-ն ընդլայնում է 3G-ծածկույթը Հայաստանի հյուսիսում

«ԱրմենՏել» ընկերությունը (ապրանքանիշը Beeline) հայտարարում է 3G-ծածկույթի ընդլայնման մասին Հայաստանի հյուսիսում գտնվող սահմանամերձ բնակավայրերում: 2013թ-ի հոկտեմբեր ամսից 3-րդ սերնդի, այդ թվում նաեւ 3G բջջային ինտերնետ ծառայությունները հասանելի են Լոռու մարզի Միխայլովկա եւ Պրիվոլնոյե համայնքների բնակիչներին: Ժամանակակից 3G-ալեհավաքների տեղադրման արդյունքում 3G-ծածկույթն ընդլայնվել է 100 քմ. կիլոմետրով, իսկ Beeline 3G ինտերնետն այսուհետ հասանելի կլինի երկու համայնքների ավելի քան 1000 բնակչի: «Մենք կատարելագործում ենք բջջային ցանցը եւ ձգտում ապահովել բջջային կապով եւ ինտերնետով մեր յուրաքանչյուր բաժանորդի՝ անկախ նրա գտնվելու վայրից: Beeline մատչելի եւ հարմար կապն օրեցօր ավելի է ընդլայնում իր աշխարհագրությունն՝ օգնելով մարդկանց միշտ լինել կապի մեջ եւ օգտվել գերարագ 3G բջջային ինտերնետից», - նշեց «ԱրմենՏել» ընկերության գլխավոր տնօրեն Անդրեյ Պյատախինը: Նշենք, որ «ԱրմենՏել» ընկերությունը 2013թ-ի օգոստոս ամսին իրականացրել է բջջային ցանցի ընդլայմանն աշխատանքներ Սյունիքի մարզում, ինչի արդյունքում ծածկույթն ավելացել է 22 քմ. կիլոմետրով, իսկ Խնածախ եւ Վաղատուր համայնքների բնակիչները ստացել են հնարավորություն օգտվելու Beeline բջջային կապից եւ 3G ինտերնետից: