Արփինե Հովհաննիսյանը՝ կանանց թիրախում

ԱՍԵԿՈՍԵ

Հայտնի է, որ նոր Ազգային ժողովը բաղկացած կլինի չորս ուժից՝ ՀՀԿ, ,Ծառուկյան» դաշինք, «Ելք» դաշինք եւ ՀՅԴ: ՀՀետեւաբար, ՀՀԿ-ն՝ 771.247 ձայնով կստանա 55 մանդատ, «Ծառուկյան» դաշինքը՝ 428.965 ձայնով՝ 30 մանդատ, «Ելք» դաշինքը՝ 112.049 ձայնով կստանա 9 մանդատ եւ ՀՅԴ-ն՝ 103.173 ձայնով՝ 7 մանդատ:
Իշխող կուսակցությանը հասանելիք 55 մանդատից 28-ը կտրվի համամասնական ցուցակի թեկնածուներին, 27-ը՝ ամենաշատ ձայներ ստացած ընտրատարածքների վարկանիշային ընտրակարգով առաջադրված ամենաշատ ձայներ բերած պատգամավորներին: Նկատենք, որ
ՀՀԿ-ի համամասնական ցուցակի առաջին 28 հորիզոնականն ունի հետեւյալ տեսքը՝ 1 Սարգսյան Վիգեն Ալեքսանդրի 2 Մարգարյան Տարոն Անդրանիկի 3 Հովհաննիսյան Արփինե Աշոտի 4 Բաբլոյան Արա Սայենի 5 Ամիրյան Արմեն Արտավազդի 6 Աշոտյան Արմեն Գեւորգի 7 Շարմազանով էդուարդ Հովսեփի 8 Եսայան Մարգարիտ Հենրիկի 9 Ֆարմանյան Սամվել Ժորայի 10 Ավագյան Կարեն Կառլենի 11 Սահակյան Գալուստ Գրիգորի 12 Նաղդալյան Հերմինե Միքայելի 13 Մինասյան Գագիկ Ենգիբարի 14 Նիկոյան Սամվել Պարգեւի 15 Թովմասյան Հրայր Վարդանի 16 Պետրոսյան Շուշան Սամվելի 17 Գրիգորյան Մանվել Սեկտորի 18 Գեղամյան Արտաշես Մամիկոնի 19 Հարությունյան Խոսրով Մելիքի 20 Սարդարյան Շուշան Ալբերտի 21 Բաբուխանյան Հայկ Բորիսի 22 Զաքարյան Արտակ Բորիսի 23 Հարությունյան Վահան Միխայիլի 24 Բաղդասարյան Ջեմմա Սամվելի 25 Կոստանյան Գեւորգ Սուրիկի 26 Հակոբյան Միհրան Տարոնի 27 Սաղաթելյան Արման Արմենի 28 Մուրադյան Ռուզաննա Կարապետի:
Թե ինչ կլինի 28-րդ համարին հաջորդող ՀՀԿ համամասնական ցուցակի ներկայացուցիչների հետ,( նույնիսկ քաղաքապետ Տարոն Մարգարյանի ինքնաբացարկից հետո)անգամ ինչ կլինի առայժմ հայտնի չէ:
Այժմ ինչպես ՀՀԿ-ականների, այնպես էլ խորհրդարան մուտք գործած, եւ ընտրական խաղից դուրս մնացած ուժերին հետաքրքրող հարցն այնն է, թե ինչ պատասխանատու պաշտոններ կզբաղեցնեն ՀՀ պաշտպանության նախարար, ցուցակի 1-ին համար Վիգեն Սարգսյանի եւ 3-րդ համար Արփինե Հովհաննիսյանը:
Բանը նրանումն է, որ ՀՀԿ-ակաների մի զգալի մասը ԱԺ նախագահի պաշտոնում հակված է տեսնել ՀՀ Պաշտպանության նախարար Վիգեն Սարգսյանին, թեեւ ՀՀԿ-ական որոշ շրջանակներն էլ՝ խիստ անհանգստացած են, որ Սարգսյանի ԱԺ չգնալու դեպքում, ում կհասնի այդ այնքան պատասխանատու աթոռը: Ինչ վերաբերում է Արփինե Հովհաննիսյանին, ապա քաղաքական էլիտայի, որոշ կանայք(այդ թվում նաեւ ներկա ու նախկին չինովնիկների) այլեւս չեն կարողանում զսպել զայրույթն ու զարմանքը, թե ինչպես կարող էր գեղանի Հովհաննիսյանն այսքան լուրջ բարձրունքներ նվաճել, եւ այսքան հանրաճանաչ դառնա,ով ՀՀԿ քարոզարշավի գլխավոր դերակատարներից մեկն էր…
Մինչդեռ իրենց նման աշխարհ տեսած կանայք ինչեր կարող էին անել:
Եւ այսօր այդ շրջանակի միակ մխիթարանքն այն է, որ Արփինե Հովհաննիսյանին չի տրվի ԱԺ-ի նախագահի աթոռը: Նկատենք, որ քաղաքական շրջանակներում բոլորովին վերջերս նման վարկածներ էին շրջանառվում:
Ի դեպ, ասում են նեղսրտած կանանցից մի քանիսն էլ, ովքեր մի առիթով իրար գլխի են հավաքված եղել, անկեղծացել են, թե իրենք առիթներ կունենան Արփինեին ապացուցելու, թե որտեղ են ձմեռում խեցգետինները: