Արտակարգ վթար Արմավիրի մարզում. Մոլդովայի քաղաքացիները հայտնվել են ջրանցքում

Shamshyan.com-ը գրում է.«Երեկ` օգոստոսի 24-ին, խոշոր ավտովթար է տեղի ունեցել Արմավիրի մարզում: Ժամը 15:30-ի սահմաններում Mercedes E220 մակնիշի 34 QZ 087 համարանիշի ավտոմեքենայի վարորդը Էջմիածին-Տարոնիկ ավտոճանապարհի 14-րդ կմ հատվածում դուրս է եկել երթևեկելի գոտուց, բախվել քարերին և գլխիվայր շրջվելով` հայտնվել ջրանցքում:

Ինչպես նշված վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի տեղափոխվել է Վաղարշապատի բժշկական կենտրոն: Դեպքի վայր են ժամանել Ճանապարհային ոստիկանության 2-րդ սպայական գումարտակի 1-ին վաշտի 1-րդ դասակի աշխատակիցները` վաշտի հրամանատարի տեղակալ Յուրա Հովհաննիսյանի և դասակի հրամանատար Գրիգոր Գրիգորյանի գլխավորությամբ: Օպերատիվորեն ժամանել են նաև Տարածքային կառավարման և արտակարգ իրավիճակների նախարարության Արմավիրի մարզային փրկարարական վարչության թիվ 31 հրշեջ-փրկարարական ջոկատը:

Ֆոտոլրագրողի տեղեկություններով` ավտոմեքենայում եղել են Մոլդովայի Հանրապետության քաղաքացիներ` 26-ամյա Վասիլ Պրեյդան, 23-ամյա Միխայել Ռաբուկան, 27-ամյա Վասիլի Մինիվան: Ըստ տեղեկությունների` ավտոմեքենան վարել է Վ. Պրեյդան: Գյուղացիները ֆոտոլրագրողի հետ զրույցում ասում էին. «Արտում գյուղատնտեսական աշխատանքներով էինք զբաղված, մեկ էլ` ուժեղ թփոց լսեցինք, նայենք, տեսնենք` ճանապարհին թոզ ու դուման, մոտիկացանք, տեսնենք` 3 երիտասարդ տղա ցեխաջրից դուրս էին եկել: Մեզ թվաց, թե նկարահանում են հայկական «Джентельмены удачи» ֆիլմը, էն էլ պարզվեց` ինչ կինո. իրանք են ընկել կինոյի գիրկը, լրիվ դառել էին կինոյի տղա»:

Շարունակությունն՝ այստեղ։