Արտառոց է Գեւորգ Սաֆարյանին մինչեւ հիմա կալանքի տակ պահելը. Իրավապաշտպան
«Արտառոց է այն, որ Գեւորգ Սաֆարյանը մինչեւ հիմա կալանքի տակ է»: NEWS.am-ի հետ զրույցում նման կարծիք հայտնեց իրավապաշտպան Ժաննա Ալեքսանյանը` անդրադառնալով Ազատության հրապարակում Ամանորի գիշերը տոնածառ տեղադրելու համար շուրջ երկու տարի անազատության մեջ գտնվող Գեւորգ Սաֆարյանին կրկին կալանավորելու որոշմանը:
«Մարդու իրավունքների հանդեպ կոպտագույն խախտում է Գեւորգ Սաֆարյանի նկատմամբ բռնությունը, որը պարբերաբար կրկնվում է եւ պատկան մարմինները ոչինչ չեն անում այդ ուղղությամբ»,-ասաց իրավապաշտպանը:
Ժաննա Ալեքսանյանը հավելեց, որ չի հասկանում` թե որն է Գեւորգ Սաֆարյանին անազատության մեջ պահելու իմաստը. «Գեւորգն ուղղակի լավ երիտասարդ է, որը ցույց է տալիս իր անհանդուրժող վերաբերմունքը գոյություն ունեցող իշխանությունների նկատմամբ: Ուղղակի այդ երիտասարդի վարմունքը վարակիչ է եւ կարող է օրինակ լինել մյուս երիտասարդների համար»:
Հիշեցնենք, որ Գեւորգ Սաֆարյանը դատապարտվել էր երկու տարվա ազատազրկման՝ Ամանորի գիշերն Ազատության հրապարակում ոստիկանի նկատմամբ բռնություն գործադրելու մեղադրանքով։ Նա փորձել է տոնածառ տեղադրել, ոստիկաններն արգելել են: Վերաքննիչ եւ վճռաբեկ ատյանները վճիռը նույնն են թողել: Իրավապաշտպանների գնահատմամբ՝ գործը շինծու է՝ հիմնված միայն ոստիկանների կեղծ ցուցմունքների վրա:
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Գյումրիում ՔՊ-ն համայնքի ղեկավարի ընտրության օրակարգով արտահերթ նիստ է հրավիրել
Փողի «բազառ»՝ քաղաքապետի և նախարարի միջև
Տեղեկություններ ունենք՝ ՔՊ-ն դեմ է քվեարկելու Անկախության հռչակագրի անժամանցելիության մասին նախագծին...
Ինչ են հորդորել Արցախի ռազմաքաղաքական ղեկավարները Բաքվից
Ալավերդու համայնքապետարանը 3,8 մլն դրամի պայմանագրեր է կնքել ավագանու անդամի մոր ԱՁ-ի հետ․ «Հետք»
