«Արթուր Ասատրյան» բարեգործական հիմնադրամի շնորհիվ՝ ծրագիրը հասավ իր վերջնակետին

«Արթուր Ասատրյան» բարեգործական հիմնադրամը մշտապես կարևորել է սպորտի զարգացումը հայրենիքում։ Եւ այսօր էլ, ապրիլի 16-ին, եւս մեկ անգամ «Արթուր Ասատրյան» բարեգործական հիմնադրամը, ապացուցեց, որ իր խոսքին տեր է, եւ որ բոլոր տիպի ձեռնարկներում՝ պատասխանատու է ու հետեւողական:

Եւ ինչպես, Fnews.am-ի հետ զրույցում նշեց, Ծիածան համայնքի դպրոցի տնօրեն Գոհար Գազազյանը.«2017 թվականի նոյեմբեր ամիսը՝իսկապես ճակատագրական եղավ մեզ համար: 

Այնպես ստացվեց, որ 2017-ի նոյեմբերին մենք դիմեցինք «Արթուր Ասատրյան» բարեգործական հիմնադրամին, ներկայացրեցինք դպրոցի սպորտդահլիճի անմխիթար վիճակը, որից հետո, արձագանքը չուշացավ:
Անկեղծորեն պիտի ասեմ, որ այս գործում մեզ մեծ աջակցություն ցուցաբերեց նաեւ պարոն Լեւոն Ավետյանը, ով «Արթուր Ասատրյան» բարեգործական հիմնադրամի նախագահի օգնականն է է: Եւ այսօր արդեն, մեծ երազանքը իրականություն դառնալու առիթով էլ, ինչպես տեսնում եք՝ լեփ-լեցուն ու մարդաշատ է Ծիածան համայնքի միջնակարգ դպրոցը:

Մեր դպրոցի սպորտդահլիճը վերանորՈգվեց «Արթուր Ասատրյան» հիմնադրամի, եւ Արթուր Ասատրյան արժանավոր Էջմիածնեցու ջանքերով ու անմիջական հովանավորությամբ: Այսօր ունենք հրաշալի սպորտդահլիճ՝ հագեցած նյութատեխնիկական սպորտբազայով, եւ անհրաժեշտ մարզական գույքով: Ունենք.կապիտալ վերանորգված հանդերձարաններ, սանհագույցներ, պարզապես գերազանց վիճակում գտնվող սպորտդահլիճ, որն ուղղակի աչք է շոյում»: 

Նշենք, որ Դպրոցի սպորտդահլիճի հանդիսավոր բացման արարողությանը ներկա էին ՀՀ Արմավիրի մարզպետ Աշոտ Ղահրամանյանը, մարզպետարանի աշխատակազմի կրթության, մշակույթի և սպորտի վարչության պետ Գայանե Սայադյանը, մարզի այլ դպրոցի տնօրեններ, Ծիածան համայնքի դպրոցի ուսուցչական կազմը, դպրոցի ծնողներ, հյուրեր Երեւանից, եւ այլոք: 

Դպրոցի տնօրեն Գոհար Գազազյանի ուղեկցությամբ, Արմավիրի մարզպետ Աշոտ Ղահրամանյանն ու ներկաները ծանոթացան դպրոցում իրականացված ներդրումների՝ բարեգործական ծրագրի շրջանակում իրականացված աշխատանքներին, ստեղծված պայմաններին:
Ծիածանի միջնակարգ դպրոցի մարզադահլիճի հիմնանորոգման համար, դպրոցի տնօրինությունը, սաները, ծնողները, ինչպես նաեւ մարզային իշխանությունները իրենց շնորհակալությունն ու գոհունակությունը հայտնեցին «Արթուր Ասատրյան» բարեգործական հիմնադրամին, ընդգծելով, որ բարերարի քայլը՝պարտավորեցնող է, ու ինչ խոսք՝ նաեւ ոգեւորող:

Արմավիր մարզպետ Աշոտ Ղահրամանյանն էլ, իր խոսքում կարեւորեց, որ նման մարդասիրական քայլերը պետք է արժեվորել ու գնահատել, հավելելով, որ կարևոր է վաղ տարիքից երեխաների ֆիզիկական առողջությանը հետևելը, և դպրոցներում ֆիզիկակական կուլտուրայի դասաժամերն արդյունավետ կազմակերպելը:

Մարզպետն իր խոսքում հատուկ նշեց, որ վերջին 11 տարիների ընթացքում, Արմավիրի մարզում մեծ ուշադրություն է դարձվում դպրոցաշինությանը, եւ որ ամենեւին պատահական չէ, որ մարզի ցուցանիշները՝կրթության ոլորտում առաջնային դիրք են զբացեղեցնում:
Ի դեպ, Ծիածանի միջնակարգ դպրոցի մարզադահլիճը վերանորոգելու, կահավորելու և պատանիների ֆիզիկական դաստիարակության կազմակերպման նպատակով հարմարավետ պայմաններ ստեղծելու համար մարզպետ Աշոտ Ղահրամանյանը շնորհակալագիր հանձնեց «Արթուր Ասատրյան» բարեգործական հիմնադրամի նախագահին` բազում հաջողություններ ցանկանալով նրա հայրենանվեր ձեռնարկներին:
Ի դեպ, դպրոցի տնօրինության կողմից էլ, հատուկ Շնորհակալագիր հանձնվեց նաեւ բարերար Արթուր Ասատրյանին, եւ «Արթուր Ասատրյան» բարեգործական հիմնադրամի նախագահի օգնական  Լեւոն Ավետյանին՝ պատրաստակամության, պատասխանատավության ու մեծ նվիրումի համար:

Նկատենք, որ հատկապես դպրոցի սաների ու ծնողների համար կրկնակի ուրախություն ու ոգեւորություն էր, որ արդեն ամբողջությամբ վերանորոգված և համապատասխան մարզագույքով համալրված սպորտդահլիճը հանձնվում է կրթօջախի աշակերտներին: 

Հանդիպման վերջում, զրուցեցինք նաեւ Ծիածան համայնքի դպրոցի ծնողներից շատերի հետ, ովքեր իրենց երախտիքի խոսքը հայտնեցին բարերար, գործարար Արթուր Ասատրյանին, նշելով, որ նա իր տեսակով երբեք չհեռացավ իր արմատներից, չմոռացավ իր հայրնեի հողն ու իր ժողովրդին, եւ որ այս ծանր ու դժվարին օրերում կարողացավ մեծ ուրախություն պարգեւեւլ իրենց երախաներին:
Ծնողներից մեկն էլ, պարզապես արձագանքեց. «Մեր պարոն Ասատրյանը` մեծատառով հայ է, քրիստոնյա, մարդ՝ հարգված ու ճանաչված, ով ամեն տեղ, տարբեր ոլորտներում կարողանում է հայի, մեր բոլորիս պատիվը բարձր պահել: Նա արժանի հայ է, ով մեծ հարգանք ու հեղինակություն է վայելում՝իր անցած ճանապարհի, իր կատարած գործերի, իր քայլերի ու մարդկային որակների շնորհիվ»: