Արթուր Ղազարյանը միշտ է եղել ժողովրդի կողքին. իսկ ստի ու կեղծիքի ջատագովները նախընտրում են «բազարը »…

Բավականին ուշագրավ զուգադիպությամբ, տեւական ժամանակ է, ինչ համացանցում տարբեր հարթակներով ստահոդ ու մտացածին տեղեկություններ են տարածվում հայտնի հեղինակություն Արթուր Ղազարյանի՝ Քանաքեռի Տույի վերաբերյալ:

Այնպիսի տպավորություն է, որ կոնկրետ մի կենտրոնից, որի հասցեն դժվար չէ կռահել «պասերով »դուրս են սպրդվում մուտիլովկաներ ու հերյուրանքներ, որի նպատակը կարծես թե մեկն է. հանիրավի ինտրիգներ հրահրելը, եւ դրանից օգուտներ քաղելը…

Թե դեռ ով ինչ կքաղի, եւ ինչ կստանա այս կեղտոտ արշավից ու այս անպատվաբեր գործունեությունից, դա դեռ դժվար է ասել…

Սակայն մի բան ակնհայտ է, եւ շատ դեպքերում անգամ զվարճալի. ոմանք, որ մինչեւ ականջները խրված են կեղտի ու անօրինականության մեջ, հանկարծ իրենց հիմնադրած էջերից բարբաջում են այնպիսի բարոյական օրենքների, օրինականության ու բարձր արժեքների մասին, որից ԴՐԱՆՔ շատ հաճախ կիլոմետրերով ուղղակի հեռու են :

Լրջագույն հարց է, թե փակագծեր բացելու դեպքում, պատկան կառույցներին, եւ իրենց մասնագիտության պատիվը բարձր պահող լրատվամիջոցներին կհետաքրքրի Ղազարյանի՞, թե՞ ԴՐԱՆՑ տխրահռչակ գործունեության էջերի հին ու նոր քրոնիկոնը: Որոնց տեղը ԴՐԱՆՑ գործ տվողները, լավ գիտեն, թե որտեղ է…

Հաշվի առնելով այն հանգամանքըՙ որ շատ դեպքերումՙ մոլորյալները, կամ գուցե գործիքի դերում հայտնվողները կանայք են, այս անգամ բարի խորհուրդ. հանգիստ վեր ընկեք տեղներդ, եւ ստի, ապատեղեկատվության ու զրպարտության դաշտ մտնելուց առաջ, ինքներդ Ձեզ հաշիվ տվեք եւ մի հարց. թե Ձեր դիմակը՝ Ձեր տխրահռչակ գործունեության խայտառակ էջերը ՏԵՍՆԵԼՈՒ ԵՒ ԼՍԵԼՈՒ դեպքում, դուք եւ Ձեզ խաղացնողները, ինչպես եք քայլելու նոր Հայաստանում:

Հավատացած եղեք՝ցանկացած կալիբրի ՊԱԳՈՆԱՎՈՐ,(հին ու նոր Հայաստանի) ու անգամ Ձեր իմացած այն պետերը…որ հեգնում են Ձեզ՝ երբ պատահի, դժվար թե փորձեն վերականգնել Ձեր «բարի» համբավը: Թեեւ Ձեզնով թվացյալ մտահոգ այդ պետերը, դեռ լավ կանեն մտածեն՝ իրենց բռնած փնթի գործերը կարկատելու մասին:

Իսկ հիմա այն մասին, թե կոնկրետ որոշ գրչակների ու մուտիլովշիկների կողմից, ինչ են թխվում Արթուր Ղազարյանի, ու նրա շրջապատի մասին, երբ Տավուշի մարզում հատկապես հրապարակային եւ ոչ հրապարակային հանդիպումների ժամանակ, շպիոն օնիկները ֆիքսում են Ղազարյանի ներկայությունը:
Եւ այսպես հատուկ լավ չհասկացողների համար.

Ա.
Արթուր Ղազարյանը, ով արմատներով Տավուշի մարզից է, եւ Բերդ քաղաքի պատվավոր քաղաքացի, շատ օրինաչափ է, որ ցանկացած միջոցառման, ցանկացած նախաձեռնության ժամանակ, այո որպես Տավուշեցի կարող է ունենալ իր լուման: 

Տարիներ շարունակ, (ի տարբերություն իրենց փուչ անձն ու գործը՝ փիառելու գործին լծվածների), Ղազարյաններ ընտանիքը, քանիցս է բարեգործություններ կատարել Տավուշի մարզում՝աջակից լինելով բազում ընտանիքների, ինչպես նաեւ կրթական ու մշակութային օջախների, ինչի մասին սակայն նրանք երբեւէ չեն բարձրաձայնել:

Մինչդեռ տավուշեցիները շատ լավ գիտեն, թե ովքեր են Ղազարյանները:

Բ.

Արթուր Ղազարյանը, նախ եւ առաջ ՀՀ քաղաքացի է, ով լինելով ժողովրդի միջից դուրս եկած մարդ, միշտ էլ լինելու է ժողովրդի իշխանության կողքին: Եւ բնական է, որպես քաղաքացի եւ որպես հայ մարդ, նա աջակից է լինելու այն իշխանությանը, ում վստահել է ժողովուրդը:

Գ.

Արթուր Ղազարյանը, որպես քաղաքացի եւ որպես մարդ, կարող է ճանաչել եւ շփումներ ունենալ ոչ միայն անձնագրային բաժանմունքի ղեկավարների, այլ նաեւ շատ ու շատ մեծ ու փոքր պաշտոնյաների, այդ թվում նաեւ Ձեզ հետ:

Եւ դա բնավ չի նշանակում, որ մարդուն ճանաչելու եւ անգամ նրա հետ շփվելու համար՝ որոշ ՖԱՆՏԱԶՅՈՐՆԵՐ կարող են անցնել թույլատրելիի սահմանը, եւ զառանցանքներ շաղ տալ մարդկանց հասցեին: Եւ վերջապես նույն հաջողությամբ, շատերն էլ կարող են Ձեզ կասկածել, ոմանց թեւի տակ հանգրվանելու, եւ ով իմանա՝ մտերմիկ հարբերություններ ունենալու մեջ:

Եթե գոնե լրագրության պարզունակ կանոններին ձեզ ծանոթացրած լինեին, ապա կիմանայիք, որ մամուլի էջերը ոչ թե «բազար » անելու, ոչ թե մուռ պահելու եւ հանելու, ոչ թե հրապարակումներ ջնջելու, այն նորից լրահոս ետ բերելու համար են, այլ կգիտակցեիք, որ ձեր գլխավոր առաքելությունը հանրությանը անաչառ եւ օբյեկտիվ տեղեկություններ հաղորդելն է, որի պատիվն ու պատասխանատվությունը իսկապես ՄԵԾ է:

Հ. Գ
Չե՞ք կարծում, որ Ձեր սուտն ու կեղծիքը ԱՅԴՔԱՆ չարժեն…Բալը՝ թանկ չեք ասո՞ւմ…

Հիշեցնենք որ, առցանց տիրույթում, օրերս իրականության հետ աղերս չունեցող տեղեկություններ էր հրապարակել newspress.am կայքը, համաձայն որի իբրեւ հայտնի հեղինակություն Արթուր Ղազարյանը առեւտրի մեջ մտնելով նոր իշխանությունների հետ , միջնորդել է, որպեսզի իր մտերիմ Նատալա Կոստանդյանը նշանակվի Մաշտոցի անձնագրային բաժանմունքի
պետի պաշտոնում:

Հ.Գ 1
Ի դեպ, այս տեղեկությունները կայքում հրապարակվելուց ժամեր անց նյութը հեռացվել էր կայքից, այնուհետեւ այն վերադարձվել էր նորից կայքի լրահոս, քանի որ փորձ էր արվել կայքի հրապարակումը հեռացնելու արարողությունը՝ շփոթել բազարի հետ...

Անհրաժեշտության դեպքում՝ կխոսենք փաստերով: Իսկ փաստերն առավել խոսուն են, եւ խիստ խայտառակ...

Առայժմ՝ այսքանը:

Լուրեր Հայաստանից