Առյուծածաղիկ...

Comment...

Երբ ժամանակին լուսահոգի Կարեն Սերոբիչ Դեմիրճյանը ԱԺ դահլիճում բոլորի ներկայությամբ դիտողություն էր արել Ռուբեն Գևորգյանին՝ ասելով «հերիք ա շարժվես, Բրաբիոն ես, ինչ ես», այդ ժամանակ Ռուբեն Գևորգյանը, դեռ մեջքի հետևում չունենալով առյուծների վանդակներն ու նրանց տիրոջը, չհամարձակվեց Դեմիրճյանից «աչոտ» ուզել իր ասածի համար:

Անցան տարիները, և Բրաբիոնը դարձավ Ծաղիկ, այնուհետև՝ «Առյուծածաղիկ»: Հետևում՝ թագավորի դղյակը, առյուծները, Փարավոնն ու Շանգրիլան, Կանյաչնին ու 150 միլիոն դոլարանոց հյուրանոցը, իսկ ոտքերի տակ՝ ամբողջ աշխարհը: Իսկ դա նշանակում է, որ եկել է «աչոտ» ուզելու ժամանակը: Եվ քանի որ հետևում այդքան թանկանոց ու ճոխ շինություններ, մկանոտ ու հարուստ մարդիկ կան, ապա կարելի է էլ շատ չմանրանալ և «աչոտը» ուզել միանգամից գեներալ Մանվելից:
Եվ այստեղ է, որ պետք է ասել՝ շախմատ խաղալ սովորեք: Ախր այդ խաղը սովորեցնում է, որ յուրաքանչյուր քայլ անելուց առաջ պետք է հաշվարկել և կանխատեսել հակառակորդի պատասխան քայլը, հետո նոր մտածել՝ արժի՞ այդ քայլն անել, թե՞ ոչ: Բայց մեր Առյուծածաղիկը, շլանալով իր հետևի ճոխությամբ, առանց հաշվարկի արեց այդ քայլը, իսկ պատասխանը եղավ բավականին խոստումնալից վտանգավորության առումով: ԵԿՄ փոխնախագահներ, ազատամարտիկներ, սպաներ, Առաքել Մովսիսյան (Շմայս)՝ բոլորը շատ պարզ ձևով հասկացրեցին Ռուբեն Գևորգյանին, թե ով պետք է լինի այդ «աչոտ» տվողը:

Դե հիմա արի ու մի ասա՝ Ռուբեն Գևորգյան, ախր պետք է՞ր... Հիմա ինչպե՞ս է այս ամենի տակից դուրս գալու, մանավանդ որ հետևում արդեն առյուծների փոխարեն   ծաղիկներ  են նշմարվում:

Արտյոմ  Եդիգարյան