Առյուծասիրտ Արամը...

Comment

Արամ Առյուծասիրտ Մանուկյանը, պարզվում է՝Ծառուկյանի սիրելի քաղաքում իրեն ավելի ապահով է զգում, նույնիսկ այնքան, որ երկրի նախագահին «տիրոջ մեր» է հայհոյում, բայց միայն Ծառուկյանի սիրելի քաղաքում: Մնացած քաղաքներում նա ոչ միայն տիրոջ մեր չի հայհոյում, այլ ընդհանրապես չկա, չի երևում, կարճ ասած՝ ընդհատակ է անցել, նույնիսկ լրագրողների հետ շփվել է խուսափում, զանգերին պատասխանելով ասում է, թե կազմակերպչական գործերով է զբաղված, հետո էլ հանկարծ՝ թե վաաայ, ինչ վատ է լսվում, և անջատում է հեռախոսը:
Ասում են, թե Մանուկյանը վախեցած է իր իսկ ասածի հետևանքներից, վախացած են նաև նրա թիմակիցները, և նրան ստվերում են պահում՝ միաժամանակ մտածելով, թե ինչպես դուրս գան նրա արածի տակից, մեղմեն իրավիճակը:
Իսկ ինձ թվում է, որ Արամն Մանուկյանն ավելի շատ ինքնախաբեության զոհ է դարձել՝ ինչ-որ տեղ կարդալով մեր առաջին հանրապետության հիմնադիր Արամ Մանուկյանի կյանքի ու գործունեության մասին՝ հավանաբար ոգևորվել է նույն անուն-ազգանունը կրելու փաստից և ենթադրել, որ կարող է իրեն չափից դուրս լավ զգալ:

Արտյոմ Եդիգարյան