Աշոտ Սուքիասյանն ասել է, որ իրեն «քցել են». «Հայկական Ժամանակ»

«Հայկական Ժամանակ»-ը զրուցել է Օֆշորի գործով տուժող Փայլակ Հայրապետյանի հետ՝ մասնավորապես նույն գործով մեղադրյալ Աշոտ Սուքիասյանի հետ օրեր առաջ կայացած առերեսման վերաբերյալ: Ըստ լրատվամիջոցի՝ անցյալ շաբաթ նրանք առերեսվել են երկու անգամ:

Թղթակցի հետ զրույցում Հայրապետյանն ասել է, որ Սուքիասյանի ասելով՝ ստացել է գումարները, սակայն նպատակային չեն օգտագործվել, այդ գումարները գցել են օֆշորային գոտում իրենց երեքի անունով՝ Սարգսյանի, Կճոյանի և Սուքիասյանի, հետո դրանք տեղափոխել են Հայաստան, բանկում պահել են, կանխիկացրել, ոսկի են առել:

Իսկ երբ Հայրապետյանը հարցրել է, թե ի՞նչ է արել գումարները, վերջինս պատասխանել է, որ իրեն քցել են:

Իսկ հարցին թե, ինչու՞ է օֆշորային գոտում ձեռնարկություններ բացել Տ.Սարգսյանի և Ն.Կճոյանի անուններով, Սուքիասյանը պատասխանել է, որ իր բիզնեսն ապահով լինի, չկպչեն: Ինչպես Նշում է թերթը, Փայլակ Հայրապետյանի հետ զրույցում Աշոտ Սուքիասյանն ասել է, որ Սարգսյանն այս գործի հետ կապ ունի:

«Ասում է՝ ես եմ իրենց անունները գրել, որ իմ բիզնեսն ապահով լինի: Բնականաբար ինքը հաստատում է, որ Սարգսյանն ու Կճոյանն այս ամեն ինչից լավ տեղյակ էին: Աշոտը 2008-ին մարդ է բերել տարել Աֆրիկայից, տարել է Սարգսյանի մոտ, գնացել են ռեստորան, էս ամեն ինչը պայմանավորված է եղել»:

Հոդվածն ամբողջությամբ կարող եք կարդալ «Հայկական Ժամանակ» օրաթերթի` 10.10.2014թ. համարում: